Вынікі выбарчай кампаніі падводзяць палітыкі, назіральнікі і экспэрты

«Лукашэнка прызначыў гэтых жанчын, бо лічыць іх менш небясьпечнымі», — Статкевіч пра вынікі выбараў

«Гэта паказвае, што ўлада паддаецца — і мы павінны змагацца за сапраўдныя выбары. Я думаю, эканамічны крызіс будзе нарастаць, і ў наступным годзе магчыма так, што ў нас ёсьць шанцы дамагчыся сапраўдных выбараў. Яны паддаюцца — трэба ціснуць», — гаворыць Мікола Статкевіч..

Назіральнікі ад СНД парушэньняў не заўважылі

Кіраўнік місіі назіральнікаў ад краінаў СНД Сяргей Лебедзеў сказаў, што ніводзін зь мясцовых назіральнікаў не паведамляў ім пра парушэньні на выбарчых участках.

Павольнае збліжэньне Эўразьвязу зь Беларусьсю, — заходняя прэса пра беларускія выбары

У Цэнтральнай акрузе Гомеля вырасьцілі канкурэнта Аляксандру Лукашэнку

«У нашай Цэнтральнай акрузе, дзе балятаваліся пяць кандыдатаў, прадстаўніку ад улады, дзейнаму дэпутату Палаты прадстаўнікоў Алегу Леўшунову ўчастковыя камісіі „малявалі“ па восемдзесят і больш адсоткаў падтрымкі выбарнікаў. Мяркую, што нават Аляксандру Лукашэнку варта прызадумацца: у акрузе вырасьцілі даволі харызматычнага канкурэнта, які карыстаецца проста-такі ўсеагульнай падтрымкай выбарнікаў», — Юры Глушакоў, кандыдат у дэпутаты па Гомельскай-Цэнтральнай выбарчай акрузе № 33 пракамэнтаваў вынікі галасаваньня.

Караткевіч ня будзе абскарджваць вынікі выбараў: «Я ня выйграла, але мы не прайгралі»

Лідэры грамадзянскай кампаніі «Гавары праўду» Тацяна Караткевіч і Андрэй Дзьмітрыеў перакананыя, што рэальных лічбаў ня ведае ніхто. Але выказалі задавальненьне, што апазыцыя прайшла ў парлямэнт, і абвясьцілі пра пачатак ад сёньняшняга дня наступнай выбарчай кампаніі — прэзыдэнцкай.

Блогер Антон Матолька прапануе пісаць звароты і просьбы, фіксаваць кожнае парушэньне ад абранай дэпутаткі Ірыны Дарафеевай, патрабаваць справаздачаў па дзейнасьці.

«А потым, праз дзесьці з паўгода, калі ніякага выніку ня будзе — можна сьмела сабраць 150 подпісаў, і...» — Матолька не завяршае фразу, але дае здымак разьдзелу выбарчага кодэксу пра парадак адкліканьня дэпутатаў.

«Вярніся я ва ўчорашні дзень, была б больш жорсткай», — назіральніца, якая здала дакумэнты на знак пратэсту

Embed share

Скандал на ўчастку: сябра камісіі здала пасьведчаньне і сышла

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:01:34 0:00

На ўчастку № 425, што ў менскай сярэдняй школе № 159, вынікі датэрміновага галасаваньня ад ЦВК і падлікі назіральнікаў не супалі: 568 чалавек паводле камісіі, 279 — у назіральнікаў.

Незалежны сябра камісіі Ядвіга Ўгольнік спрабавала зьвярнуць на гэта ўвагу камісіі, але старшыня камісіі, дырэктар школы Іна Богдан пачала крычаць на яе, абражаць. Пасьля скандалу Ўгольнік здала сваё пасьведчаньне сябра камісіі і пакінула выбарчы ўчастак, як ёй «прапаноўвалі» іншыя сябры камісіі.

«Камісіі паказвалі пантаміму, падлічваючы бюлетэні», — кандыдаты з Магілёўшчыны

«Хто вынікі выбараў ведаў заранёў — тыя асабліва не ўпіраліся» — кандыдаты з Горадні

На Гарадзеншчыне, паводле папярэдніх дадзеных, ніводзін кандыдат ад дэмакратычных партыяў і арганізацыяў не ўвайшоў у склад парлямэнту.

Многія апазыцыйныя кандыдаты ня згодныя з вынікамі выбараў, кажуць пра шматлікія парушэньні заканадаўства, фальсыфікацыі і рыхтуюць скаргі ў адпаведныя органы.

«Права выбару»: Гэта самая цынічная выбарчая кампанія

Лідэры кампаніі назіраньня «Права выбару», у якую ўваходзяць прадстаўнікі Партыі БНФ, аргкамітэтаў стварэньня партыі «Беларуская хрысьціянская дэмакратыя» і Партыі свабоды і прагрэсу, Беларускай сацыял-дэмакратычнай партыі (Грамада), руху «За свабоду», Беларускай партыі «Зялёныя», прафсаюзу РЭП і Аб’яднанай грамадзянскай партыі, падвялі вынікі парлямэнцкіх выбараў у Беларусі.

Праваабаронцы: афіцыйныя вынікі выбараў маюць не аб’ектыўны, а палітычны характар

Парлямэнцкія выбары ў Беларусі не адпавядалі ключавым міжнародным стандартам правядзеньня дэмакратычных і свабодных выбараў, перакананыя ў кампаніі назіраньня «Праваабаронцы за свабодныя выбары».

Янукевіч: І Анісім, і Канапацкая — гэта, вядома, апазыцыя

БДІПЧ АБСЭ: выбары ў Беларусі не адпавядалі міжнародным стандартам

Класкоўскі: шанцы, што Захад больш паблажліва ацэніць гэтую кампанію, прыкметна падвышаюцца

Тое, што дэпутатамі Палаты прадстаўнікоў сталі два дэмакратычныя кандыдаты, падвышае шанцы на пазытыўнае стаўленьне Захаду да вынікаў парлямэнцкіх выбараў у Беларусі.

Такое меркаваньне ў інтэрвію Свабодзе выказаў палітычны аналітыкАляксандар Класкоўскі.