Па выніках выбараў дэпутатамі сталі Канапацкая з АГП і Анісім з ТБМ

На закрытым участку № 60 па Аўтазаводзкай акрузе № 92 у 10-й гарадзкой клінічнай бальніцы Менску яўка выбаршчыкаў склала 100% — прагаласавалі ўсе 605 чалавек, паведамляе праваабарончы сайт spring96.org.

Такім чынам атрымліваецца, што стан здароўя ўсіх пацыентаў 10-й клінічнай бальніцы, дзе ёсьць сем хірургічных аддзяленьняў і яшчэ два аддзяленьні анэстэзіялёгіі і рэанімацыі, дазволіў ім прыняць удзел у выбарах. На гэтым участку ўжо вядомы вынік галасаваньня — перамог дырэктар рысорнага заводу ААТ «МАЗ» Валеры Курсевіч, які набраў 351 голас. А вось старшыня Партыі БНФ Аляксей Янукевіч атрымаў паводле пратаколу толькі 45 галасоў.

Асноўная праблема на выбарах — маніпуляцыі зь яўкай, — назіральнікі

Нацыянальны каардынатар кампаніі «Права выбару-2016» Дзяніс Садоўскі распавёў Свабодзе пра асноўныя парушэньні, зафіксаваныя падчас датэрміновага галасаваньня.

Яўка на выбары перавысіла 50%

Паводле стану на 15 гадзіну яўка па Беларусі на выбарах склала 52,49%. Больш за палову прагаласавалі па ўсіх абласьцях. Толькі ў Менску меней — 41,9%.

Ярмошына пра вялае галасаваньне ў Менску: Ня цэняць таго, што маюць

Старшыня Цэнтравыбаркаму Лідзія Ярмошына паведаміла, што на 12 гадзіну ў Беларусі яўка на выбары склала 42,3 працэнты, а ў некаторых акругах ужо прагаласавала больш за палову выбарнікаў, таму можна лічыць, што выбары там адбыліся.

Янукевіч: Тыя, хто не ідзе на выбары, падыгрываюць уладам

Старшыня Партыі БНФ, кандыдат у дэпутаты па 92-й Аўтазаводскай акрузе ў сталіцы Аляксей Янукевіч 11 верасьня прагаласаваў за самога сябе.

Як галасуюць у аграгарадку. ФОТАГАЛЕРЭЯ

У нядзелю 11 верасьня — асноўны дзень выбараў дэпутатаў Палаты прадстаўнікоў Нацыянальнага сходу. Журналісты Радыё Свабоды завіталі на ўчастак для галасаваньня № 53 лагойскай выбарчай акругі № 75, каб паглядзець, як галасуюць у аграгарадку.

• ГУ

У нядзелю 11 верасьня — асноўны дзень выбараў дэпутатаў Палаты прадстаўнікоў Нацыянальнага сходу. Журналісты Радыё Свабоды завіталі на ўчастак для галасаваньня № 53 лагойскай выбарчай акругі № 75, каб паглядзець, як галасуюць у аграгарадку.

Тацяна Караткевіч: «Важна, каб сёньня правільна палічылі галасы»

Кандыдатка ў дэпутаты Палаты прадстаўнікоў і былая кандыдатка ў прэзыдэнты Тацяна Караткевіч прагаласавала на выбарчым участку № 97 у Кастрычніцкім раёне Менску. Падчас галасаваньня яна заявіла, што ня верыць у справядлівыя вынікі галасаваньня, але будзе працягваць палітычную дзейнасьць.

«Права выбару-2016»: Людзей прымушалі галасаваць датэрмінова

Кампанія «Права выбару-2016», якая ладзіць доўгатэрміновае назіраньне за ходам выбарчай кампаніі ва ўсіх рэгіёнах Беларусі, адзначае, што цягам пяці дзён датэрміновага галасаваньня ўчастковыя камісіі пры дапамозе мясцовых уладаў і адміністрацыяў дзяржаўных прадпрыемстваў і ўстановаў стварылі ўмовы для фальсыфікацыі выбараў.

Ярмошына: Прэзыдэнцкія выбары каштавалі таньней, чым парлямэнцкія

Усяго 197 мільярдаў недэнамінаваных рублёў, альбо больш за 9 мільёнаў даляраў выдаткавана на цяперашнія выбары ў Палату прадстаўнікоў Нацыянальнага сходу Беларусі. Гэтая сума параўнальная з «выбарчым бюджэтам» мінулых прэзыдэнцкіх выбараў.

На 12 закрытых вайсковых участках галасаваньне завершанае, там пачалі лічыць галасы. Пра гэта паведаміла старшыня ЦВК Лідзія Ярмошына.