Гэтае рашэньне было прынятае Бакінскім судом па цяжкіх злачынствах 8 жніўня.
Вэрдыкт быў абвешчаны калегіяй судзьдзяў, якая летась вынесла рашэньне аб зьняволеньні журналісткі на 7 гадоў і 6 месяцаў.
Хадзіджа Ісмаілава была арыштаваная 5 сьнежня 2014 году па абвінавачаньні ва ўхіленьні ад выплаты падаткаў, незаконнай дзейнасьці, прысваеньні ма ёмасьці, растраце, злоўжываньні службовымі паўнамоцтвамі і асуджаная на 7,5 гадоў турмы. 25 мая 2016 году Вярхоўны Суд Азэрбайджану апраўдаў журналістку па артыкулах аб злоўжываньні службовымі паўнамоцтвамі і прысваеньні маёмасьці. Тады суд зьнізіў пакараньне да 3 гадоў і 6 месяцаў і выпусьціў Ісмаілаву на свабоду ўмоўна.
Хадзіджа Ісмаілава адхіляе ўсе абвінавачаньні і лічыць, што была арыштаваная за расьсьледаваньне карупцыі ў вышэйшых эшалёнах улады Азэрбайджану.
