Гэта сьцвярджаецца ў супольнай заяве Вярхоўнага прадстаўніка Эўразьвязу ў зьнешняй палітыцы Фэдэрыкі Магерыні і эўракамісара па эўрапейскай палітыцы суседзтва і перамовах аб пашырэньні Эўразьвязу Яганэса Гана.
У дакумэнце, у прыватнасьці, падкрэсьліваецца:
«Цяпер мы спадзяемся, што ўлады Беларусі зьнімуць усе абмежаваньні на ажыцьцяўленьне ў поўным аб’ёме іх грамадзянскіх і палітычных правоў». Аўтары заявы адзначаюць, што былы кандыдат на прэзыдэнта Мікола Статкевіч можа быць прыкладам старанасьці і няспыннай працы дзеля дэмакратычнай будучыні краіны».
22 жніўня Аляксандр Лукашэнка «зыходзячы з прынцыпаў гуманізму», прыняў рашэньне вызваліць Мікалая Статкевіча, Мікалая Дзядка, Ігара Аліневіча, Яўгена Васьковіча, Арцёма Пракапенку і Юрыя Рубцова.
