Грэкі сьвяткуюць вынікі рэфэрэндуму

Тысячы людзей зладзілі народныя гуляньні ў цэнтры Атэнаў, адзначаючы перамогу "Не" на рэфэрэндуме аб згодзе з умовамі крэдытораў. Прэм'ер-міністар Алексіс Цыпрас заявіў, што грэкі зрабілі "сьмелы выбар". Супраць згоды прагаласавала 61.3%, за - 38.7%. Пазьней міністар фінансаў Яніс Варуфакіс, які разам з прэм'ерам удзельнічаў у кампаніі за адказ "Не", абвясьціў пра сваю адстаўку, абгрунтаваўшы гэта тым, што крэдыторы Грэцыі ня хочуць яго бачыць на далейшых сустрэчах.