Пра гэта, як паведамляюць інфармагенцтвы, па выніках сустрэчы ў Вашынгтоне віцэ-прэзыдэнта ЗША Джозэфа Байдэна і прэм’ер-міністра Ўкраіны Арсенія Яцанюка праінфармавала прэс-служба Белага дома.
«Віцэ-прэзыдэнт ЗША адзначыў, што «ЗША і іх саюзьнікі гатовыя пры неабходнасьці ўвесьці сур’ёзныя дадатковыя санкцыі ў адказ на дзеяньні Расеі», — гаворыцца ў паведамленьні.
Таксама Байдэн падкрэсьліў нацэленасьць ЗША і партнэраў на працяг ціску на Расею да поўнага выкананьня Менскіх дамоўленасьцяў, уключна зь вяртаньнем украінскай часткі мяжы пад кантроль Украіны, а таксама вывядзеньнем усіх расейскіх войскаў і зброі з тэрыторыі Ўкраіны.
Таксама ў паведамленьні адзначаецца, што бакі абмеркавалі «праграму рэформаў». У прыватнасьці, гаворка ішла пра неабходнасьць працягу прасоўваньня наперад у барацьбе з карупцыяй.
Арсені Яцанюк знаходзіўся з рабочым візытам у ЗША з 8 чэрвеня. Ён сустрэўся з прадстаўнікамі і габрэйскай грамадаў ЗША, амэрыканскімі чыноўнікамі, кіраўніцтвам МВФ.
