«У кожнага свае жаданьні. Нехта марыць стаць касманаўтам, нехта — мільянэрам. А герой нашай песьні — дробны службоўца, які марыць стаць Сяргеем Міхалком», — кажа музыка Андрусь Такінданг пра новы выпуск перадачы на Радыё Свабода.
А вось тэкст песьні:
Я працую ў дзяржструктуры,
І цішком на перакуры,
Як ня чуе мой начальнік,
Песьні Вольскага ўключаю.
Забароненыя сайты
Адчыняю, стаўлю лайкі.
Спачуваю Беларусі...
Толькі ціха, бо баюся.
Я на кухні Чэ Гэвара,
БНР - мая дзяржава.
Мову матчыну люблю,
Ды на ёй не гавару
- Разумееце ж вы самі
Нашу сытуацыю...
Каб ня быў я за сталом,
А каб быў я Міхалком,
Я б тады ого-го-го-го!
Я б тады ого-го-го!
Быць Сяргеем Міхалком -
Біць жалезным кулаком!
Быць Сяргеем Міхалком!
А ня быць сьлімаком!
Быць Сяргеем Міхалком -
Быць сапраўдным мужыком!
Быць Сяргеем Міхалком -
Быць Сяргеем Міхалком !
