Канфлікт з аховай у менскім аквапарку

У апошні дзень лета маладыя менчукі — Саша, Раман, яшчэ адзін Раман і ягоная жонка Вераніка — вырашылі пайсьці на так званую «пенную вечарынку» ў аквапарку «Лябяжы». Кампанія аплаціла квіткі, узамен на іх атрымалі чыпы, дзе быў пазначаны дакладны час знаходжаньня ў аквапарку — да восьмай гадзіны раніцы. Аднак а палове пятай раніцы іх пачалі прасіць з аквапарку. Маўляў, час скончыўся. Хлопцы паказалі ахоўнікам свае чыпы ды запатрабавалі грашовай кампэнсацыі за нявыкарыстаны час. У выніку, як сьведчаць наведнікі, ахоўнікі іх зьбілі, а міліцыянты не хацелі заводзіць справу па факце зьбіцьця, а наадварот завялі адміністрацыйную справу на хлопцаў нібыта за хуліганства.