За дзесяцігодзьдзе вандровак па правінцыі гэтае пачыналася бадай найбольш спадзявальна-аптымістычна. Нішто, ва ўсякім выпадку, не прадказвала, як той казаў, нейкага “аблому”. Восем гадоў таму салідны нямецкі бізнэсовец Штоц з мэтай прапаганды сваёй сельскагаспадарчай тэхнікі вырашыў праінвэставаць ды ўкараніцца ў адну зь беларускіх гаспадарак. Выбар паў на Аршаншчыну, дзе для наваяўленага замежнага вытворча-гандлёвага ўнітарнага прадпрыемства “Штоцаграсэрвіс” здалі ў арэнду 3000 га зямлі адсталага калгасу імя Чапаева. Падарожжа ў Міцькаўшчыну, што на Аршаншчыне.