“Птушкі пералётныя”. Успаміны вэтэрана Радыё Свабода Галіны Руднік: “Адшукалі дачку славутага Шаляпіна і даручылі ёй начытваць кнігу Сьвятланы Алілуевай. Але ў Тацяны Шаляпінай быў вельмі нізкі хрыплаваты голас. Сьвятлана Алілуева ейнае чытаньне забракавала. А Мюнхэн толькі гэтага й чакаў! Памятаю, у нядзелю раніцай выклікалі мяне сьпешна на Радыё й папрасілі начытаць адзін разьдзел гэтай кніжкі (амаль без падрыхтоўкі). Стужку адразу адаслалі ў Нью-Ёрк, там далі яе паслухаць Сьвятлане. Ёй маё чытаньне вельмі спадабалася. У нас зь ёй аказаліся падобныя галасы. Яна нават запрапанавала, каб я перачытала сваім голасам запісаныя ею першыя два разьдзелы. Гэтага мы, ясна, не зрабілі, бо голас дачкі Сталіна на хвалях нашага Радыё гэта была такая сэнсацыя, што нам зайздросьцілі ўсе заходнія радыёстанцыі, уключна з Голасам Амэрыкі й Бі-Бі-Сі...”
Катэгорыі
- Мультымэдыя
- Відэа
