Калі ў менскіх або мар'інагорскіх аўтакасах вы замовіце квіток да Энэргіі, касіркі ў лепшым выпадку на вас зьдзіўлена паглядзяць. Ані ў кампутарах, ані ў маршрутных лістах кіроўцаў такі прыпынак ня значыцца, хоць пасёлак - прыдарожны цэнтар аднайменнага аграгарадка, прыкладна за два дзясяткі кілямэтраў ад райцэнтра Пухавічы. Аднак днямі назоў Энэргіі фігураваў у крымінальных зводках на ўсю краіну.