Лукашэнка зьвярнуўся з пасланьнем

«Ад мярцьвячыны трэба тэрмінова пазбаўляцца! Натуральным чынам» -- з такімі словамі Лукашэнка даручыў ураду вярнуцца да ўдасканаленьня працэдуры банкруцтва стратных прадпрыемстваў.

Абвінавачваньні Лукашэнкі на адрас дырэктараў прадпрыемстваў камэнтуе былы генэральны дырэктар канцэрну «Амкадор» Васіль Шлындзікаў:

«Што тычыцца таго, што ў дырэктараў не гараць вочы і яны апусьцілі рукі, дык гэта сапраўды так. У любога чалавека, якога паставілі б ў тыя ўмовы як дырэктараў, і вочы б не гарэлі і рукі апусьціліся б. Тут пярэчыць Лукашэнку няма чым.

Наша дзяржава стварыла такія ўмовы, што любая ініцыятыва караецца. Заканадаўства заблытанае, любая памылка лічыцца крымінальным дзеяньнем. І яшчэ, як паказвае сёньняшні выступ Лукашэнкі, няма даверу. І дырэктары гэта разумеюць і адчуваюць. Ні ва ўлады няма да іх даверу, ні ў іх —да ўлады. Вось і ўсё».

Лукашэнка даў зразумець, што урад не будзе працаваць у такім складзе, як зараз.

Міхал Залескі, эканаміст: «Энтузіязм дырэктараў можна выклікаць толькі сталінскімі мэтадамі: расстрэламі і адбіраньнем маёмасьці»

«Калі мы прааналізуем сытуацыю за апошнія 20 гадоў, то сярэдняя назапашвальнасьць прадукцыі на складах будзе складаць каля 70% месячнай выпрацоўкі. Цяпер ідзе перавышэньне сярэднестатыстычных паказчыкаў за 20 гадоў. Гэта сьведчыць пра тое, што пагаршаецца каньюнктура зьнешніх рынкаў і ня так добра купляецца нашая прадукцыя, як раней. Лукашэнка зьвяртае на гэта ўвагу публікі.

Па гэтых лічбах рабіць прагнозы нельга. Да іх трэба дадаць яшчэ партфэль замоваў, складзкія запасы, запасы сыравіны і матэрыялаў для вырабу прадукцыі, а таксама занятасьць. Паказчыка занятасьці ў нас няма, бо ён не адлюстроўвае рэальнай сытуацыі на рынку працы ўнутры краіны. Прыкладна 400 тысяч чалавек занятыя працай у іншых краінах.

У нас шмат у якіх галінах забясьпечанасьць сыравінай і камплектацыяй ідзе на штучных умовах зь перакрыжаваным субсыдыяваньнем.

І, нарэшце, партфэль замоваў досыць штучны, бо фармуецца пад вялікім палітычным ціскам і ўплывам у асноўных галінах. Гэта зьвязана з Расеяй. У тым ліку і пастаўка сыравіны, калі казаць пра нафту і газ.

А што да карупцыі і апатыі дырэктараў прадпрыемстваў, то калі гэтыя кіраўнікі з 1917 году не зьяўляюцца ўласьнікамі прадпрыемстваў, то адзіная іхная рэакцыя на сыгналы рынку — карупцыя і апатыя. Нічога іншага ў такім выпадку чакаць нельга. Іх энтузіязм можна выклікаць толькі сталінскімі мэтадамі — расстрэламі і праскрыпцыяй, то бок адбіраньнем маёмасьці. Што і робіцца.

Дырэктараў прадпрыемстваў сталі садзіць у турму. Гэта сталінскі пэрыяд. У таварыша Мао быў пэрыяд „агонь па штабах“. Праца на паказчык выклікае апатыю, а жаданьне ўзбагаціцца выклікае карупцыю».

Пра інтэрнэт — «яшчэ адна зараза»

Беларусы вывезьлі у 2013 годе за межы 3 мільярды даляраў «на ўсялякую драбядзень».

«Гэта я так сьціпла сказаў... Паводле ацэнак памежнікаў і мытнікаў, значна болей!»

«Паварушыцеся, зарабіце. Габрэйскай крыві ў нас дастаткова», — сказаў Лукашэнк, патрабуючы разьвіваць рынак паслугаў. Узгадаў Шапіру, якія «з савецкага мінулага. Доктарам навук стаў, губэрнатарам». Зьвярнуўся да Сямёна Барысавіча з прыкладам пра прадпрымальнага «цемнаскурага габрэя з Этыёпіі».

Але ў Афрыку беларусы не пайшлі.

Лукашэнка вяртаецца да тэмы эканомікі – кажа, што трэба брацца за разьвіцьцё ўнутранага рынку.

Адной з прычынаў ён называе жорсткую канкурэнцыю на ўсясьветных рынках.

«Нельга аддаваць унутраны рынак замежнікам!»

Далей Лукашэнка кажа, што на ўнутраным рынку трэба асабліва разьвіваць сфэру паслугаў.

Ён прыводзіць у прыклаў ЗША, дзе 80% прыбыткаў дае сфэра паслугаў.

Кажа, што разьвіцьцё сфэры паслугаў – гэта стрыжань эканомікі на бліжэйшыя гады.

Лукашэнка стаў настальгіраваць па савецкіх часах.

Кажа, што ўсё аддавалі ў Саюз, будавалі ў Расеі цэлыя гарады.

Лукашэнка кажа, што беларусы «былі самыя савецкія»

Лукашэнка пераключыўся на суседнія краіны.

Кажа, што шокавая тэрапія прывяла да пэўнага посьпеху ў Польшчы.

Але ў іх там усё было не так, як у Беларусі, бо нават за камуністычнымі ўладамі там існавала прыватная ўласнасьць. І, маўляў, ім было лягчэй пераключыцца.

Але, і суседняй Польшчы цяпер вялікія даўгі і яна, паводле кіраўніка дзяржавы, вымушаная прадстаўляць і падтрымліваць на міжнароднай арэне чужыя інтарэсы.

Лукашэнка зноў вярнуўся да падзеяў ва Ўкраіне.

Кажа, што Захад і ЗША «не ідыёты» -- маўляў яны раілі там, дзе іх маглі паслухаць.

Кажа, што Захад і амэрыканцы дапамагалі Ўкраіне.

А ва Ўкраіне, паводле Лукашэнкі, паслухалі таму, што там вялікая карупцыя і эканоміка ў крызісе.

Кажа, што тое самае хацелі зрабіць у Беларусі, але ўлады гэта не далі.

Кажа, што цяпер Захад разумее, што Беларусь – гэта не Ўкраіна, што тут нічога нельга перавярнуць.

Лукашэнка расказвае, што яму дакладаюць спэцслужбы: у парлямэнце – ворагі, Расея паслала танкі пад межы Беларусі, пераблытаўшы яе з Украінай, расейскі амбасадар Сурыкаў рыхтуецца стаць прэзыдэнтам Беларусі.

Лукашэнка кажа, што ў эканоміцы завал: склады не разгрузілі, экспарт не паднялі, мадэрнізацыя ня ідзе.

«Нікому не ўдасца сыйсьці ад гэтай працы!» -- папярэдзіў Лукашэнка.

Кажа, што яму паказваюць статыстыку, што ВУП расьце. «Але ВУП – гэта толькі адзін з паказьнікаў».

Аляксандар Дабравольскі: Рэцэпт супраць карупцыі — свабодная прэса, справядлівыя выбары

Выказваньні Лукашэнкі аб маштабнай карупцыі ў органах улады Беларусі камэнтуе дэпутат Вярхоўнага Савета 13 — га скліканьня, юрыст Аляксандар Дабравольскі:

«Прычына гэтага відавочная, хоць Лукашэнка зь ёй не пагодзіцца. Прычына завецца „бескантрольнасьць улады“. У нас няма свабоднай прэсы, моцнай грамадзянскай супольнасьці і палітычнай апазыцыі, якія маглі б кантраляваць уладу. Усе яны прыціснутыя настолькі моцна. наколькі Лукашэнка мог гэта зрабіць.

У нармальнай дзяржаве, калі там ёсьць карупцыя, то адна палітычная сыходзіць, а на яе месца прыходзіць іншая. І адна другую кантралююць. Вось і — ўсё.

А ў нас карупцыя — вынік таго, што Лукашэнка дамогся бескантрольнай улады. У нас ня толькі людзі ня могуць зрабіць тое, што яны хочуць, але і чынавенству дазволена рабіць усё, што яно хоча, нягледзячы на гэтых людзей.

Таму рэцэпт такі — свабодная прэса, справядлівыя выбары і ня будзе карупцыі ў такіх велізарных памерах, як зараз».

Лукашэнка паабяцаў увесьці працэдуру ўзгадненьня пры прызначэньні чыноўнікаў на адказныя пасады.

Пры гэтым ён адзначыў, што такое ўзгадненьне будзе і для кіроўных кадраў, якія працуюць у прыватнай сфэры.

Зацьвярджаць такіх кіраўнікоў будуць мясцовыя органы ўлады.

Лукашэнка кажа, што супрацоўнікі прыватных кампаніяў таксама павінныя працаваць па беларускім заканадаўстве

Ён кажа, што чыноўнікам, якія правініліся, шлях «альбо ў дворнікі, альбо...»

Лукашэнка кажа, што карупцыя ідзе разам разьдзяўбайствам.

Ён пералічвае, прозьвішчы чыноўнікаў, якія былі звольненыя з адной кіроўнай пасады і «усплылі» на нейкіх іншых кіроўчых пасадах.

Распавядае пра чыноўніка, які збанкруціў прадпрыемства і зьбег і Ярданію. Лукашэнка кажа, што пашле ў Ярданію генэральнага пракурора і губэрнатара, каб яны вярнулі гэтага чыноўніка.

Лукашэнка пагражае выдаць дэкрэт, які забароніць перасаджваньне чыноўнікаў з пасады на пасаду.

Уладзімер Мацкевіч: Лукашэнка стварыў усе ўмовы, каб расейская агентура пачувалася ў Беларусі вольна

Уладзімер Мацкевіч, філёзаф і метадоляг, камэнтуе заявы Лукашэнкі пра рускую і беларускю мовы.

«Расейская агрэсія супраць Украіны, вядома, непакоіць беларускі рэжым. Моўнае пытаньне было разьдзьмутае Расеяй ва Ўкраіне, дзе нібыта прыціскалі расейскамоўных. Гэты пры тым, што ўсходнія вобласьці пераважна расейскамоўныя і ніякага прыцясьненьня там быць не магло.

Што тычыцца іншых заяваў пра роўнасьць нацыяў і расейскую мову ў Беларусі, то, сапраўды, у нас няма ніякага прыцясьненьня расейцаў і расейскай мовы ў Беларусі. І быць ня можа. І ў выпадку, калі раптам пачнуцца нейкія дзеяньні расейскай агентуры тут, то Лукашэнка раней хоча мець пэўны козыр супраць іх.

Але трэба прызнаць, што менавіта Лукашэнка стварыў усе ўмовы для таго, каб расейская агентура тут пачувалася вольна.

А абароны беларускай мовы ад рэжыму чакаць ня варта. Беларускую мову абараняць самім беларусам.»

Зрабіў апошняе папярэджаньне губэрнатарам і ўсёй вэртыкалі ўлады, якія перасаджаюць людзей, што правалілі справы і працу на адным месцы, у іншыя крэслы.

Пасьля развагаў пра сытуацыю ва Ўкраіне, Лукашэнка плаўна перайшоў да праблемы карупцыі.

Прызнаў, што ўлада з карупцыяй змагаецца, але яна ўсё яшчэ ёсьць.

Далей у пералічае імёны дзяржаўных чыноўнікаў, якіх злавілі на карупцыі. Гучаць згадкі пра дамы на Канарскіх выспах, пра падстаўныя фірмы дзяцей чыноўнікаў.

Лукашэнка згадаў функцыянэраў Белкаапсаюзу і Мінспорту.

Супраць чыноўнікаў Мін’юсту завялі 28 крымінальных справа за хабарніцтва, паведаміў Лукашэнка.

Пасьля гэтага стаў пералічваць факты карупцыі у асяродку судзьдзяў.

Лукашэнка сказаў, што антыкарупцыйныя справы завялі супраць чатырох супрацоўнікаў КДБ у Гомелі.

Таксама ён згадаў, што такія справы ёсьць супраць прадстаўнікоў Сьледчага камітэту і Пракуратуры.

Лукашэнка кажа, што карупцыя і на мяжы, і ў памежных войсках.

Кажа, што адвакаты і хабары ёсьць ва ўсіх сфэрах эканомікі.

Усе свае заявы ён пацьвярджае кароткім пераказам сутнасьці справаў.

Чыноўнікі крадуць нават асфальт, а хабары атрымліваюць грашыма, сьліткамі золата і каньяком.

«Пра парушэньні закону, пра карупцыйныя схэмы мы ўсе ведаем».