Яцанюк абяцае пашырыць паўнамоцтвы Крыма

Пра гэта кіраўнік Кабміна Ўкраіны сказаў на пасяджэньні Рады бясьпекі ААН у чацьвер вечарам, якое адбылося ў межах візыту Яцанюка ў ЗША:

«Крым быў, ёсьць і будзе неад’емнай часткай Украіны. Мы ніколі не прызнаем ніякага штучна сплянаванага рэфэрэндума. Мы правядзем агульнанацыянальны дыялёг для пашырэньня магчымасьцяў АР Крым ва ўкраінскім парлямэнце шляхам канстытуцыйных сродкаў і магчымасьцяў», — сказаў Яцанюк.