Сымбалічная магіла актывіста Майдана Юрыя Вярбіцкага знаходзіцца ў лесе, прыкладна ў 250 мэтрах ад дарогі Кіеў-Гнідын у Барыспальскім раёне.
Да яе вядзе прасека, у пачатку якой таксама ўстаноўлены фотаздымак пакутніка.
«Ён змагаўся за праўду і загінуў за кожнага сьвядомага і несьвядомага ўкраінца, — паведамляецца ў Фэйсбуку ЄвроМайдан. — Вечная яму памяць».
Юрый Вярбіцкі — кандыдат фізыка-матэматычных навук, сэйсмоляг львоўскага Інстытута геафізыкі Нацыянальнай акадэміі навук. Ён быў валянтэрам на Эўрамайдане, працаваў на кухні. Паехаў у Кіеў, узяўшы адпачынак на працы.
У ноч з 20 на 21 чэрвеня, калі 50-гадовы Вярбіцкі разносіў гарбату на Грушэўскага, яго паранілі ў вока. Прадстаўнік Рады Майдана Ігар Луцэнка адвёз Вярбіцкага ў Кастрычніцкую бальніцу. Адтуль абодвух актывістаў выкралі невядомыя — проста з афтальмалягічнага адзьдзяленьня — і 15 гадзін катавалі.
На месцы сьмерці Юрыя Вярбіцкага
22 студзеня цела Вярбіцкага было знойдзена ў лесе, учора яго пахавалі ў Львове, на пахаваньне прыйшлі тысячы людзей. Іншаму выкрадзенаму Ігару Луцэнку ўдалося выжыць.
