Падпісаўшы пэтыцыю, Фармэр працытавала французскага пісьменьніка Віктора Гюго: «І ня можа быць мэты больш высокай, больш сьвятой, больш годнай за гэтую: пакласьці канец сьмяротнай кары».
Пра гэта паведамляе праваабарончы цэнтар «Вясна».
Праз тры дні Фармэр прадставіць у Менску сваё новае шоў «Timeless».
Пэтыцыя праваабаронцаў заклікае беларускія ўлады адмяніць сьмяротнае пакараньне ў краіне:
«Сёньня, калі ўсе краіны Эўропы і постсавецкай прасторы адмовіліся ад сьмяротнага пакараньня, надышоў час і Беларусі далучыцца да гэтай цывілізаванай прасторы гуманізму, прасторы, вольнай ад забойства дзяржавай».
Актывісты кампаніі «Праваабаронцы супраць сьмяротнага пакараньня ў Беларусі», якая праводзіцца ў краіне з 2009 году, прапануюць падпісаць пэтыцыю ўсясьветна вядомым асобам — каб падкрэсьліць значнасьць праблемы і прыцягнуць увагу людзей ва ўсім сьвеце да сьмяротнага пакараньня як да праблемы, якая ня ведае нацыянальных межаў.
У 2010 годзе пэтыцыю праваабаронцаў падпісаў вядомы брытанскі музыка Стынг, які выступіў зь відэазваротам «Час зьмяніць гэта».
А ў 2012 годзе кампанію падтрымала швэдзкая сьпявачка Ларын, пераможца «Эўрабачаньня-2012».
Беларусь – адзіная краіна ў рэгіёне Эўропы і Цэнтральнай Азіі, у якой выконваецца гэты від пакараньня.
Пра гэта паведамляе праваабарончы цэнтар «Вясна».
Праз тры дні Фармэр прадставіць у Менску сваё новае шоў «Timeless».
Пэтыцыя праваабаронцаў заклікае беларускія ўлады адмяніць сьмяротнае пакараньне ў краіне:
«Сёньня, калі ўсе краіны Эўропы і постсавецкай прасторы адмовіліся ад сьмяротнага пакараньня, надышоў час і Беларусі далучыцца да гэтай цывілізаванай прасторы гуманізму, прасторы, вольнай ад забойства дзяржавай».
Актывісты кампаніі «Праваабаронцы супраць сьмяротнага пакараньня ў Беларусі», якая праводзіцца ў краіне з 2009 году, прапануюць падпісаць пэтыцыю ўсясьветна вядомым асобам — каб падкрэсьліць значнасьць праблемы і прыцягнуць увагу людзей ва ўсім сьвеце да сьмяротнага пакараньня як да праблемы, якая ня ведае нацыянальных межаў.
У 2010 годзе пэтыцыю праваабаронцаў падпісаў вядомы брытанскі музыка Стынг, які выступіў зь відэазваротам «Час зьмяніць гэта».
А ў 2012 годзе кампанію падтрымала швэдзкая сьпявачка Ларын, пераможца «Эўрабачаньня-2012».
Беларусь – адзіная краіна ў рэгіёне Эўропы і Цэнтральнай Азіі, у якой выконваецца гэты від пакараньня.
