Заяву таксама падпісалі сябры Прафсаюзу журналістаў Азэрбайджану, Саюзу журналістаў Армэніі, Незалежнай Асацыяцыі журналістаў Грузіі, Саюзу журналістаў Малдовы, Саюзу журналістаў Расеі, расейскага Фонду абароны галоснасьці і Незалежнага мэдыя-прафсаюзу Ўкраіны. Яны бралі ўдзел у сустрэчы «За бясьпеку, правы і незалежныя стандарты для журналістаў постсавецкай прасторы» ў Кішынёве. Ліст будзе накіраваны ў беларускае Міністэрства інфармацыі Саюзам журналістаў Малдовы.
Міністэрства інфармацыі Беларусі пазбавіла ліцэнзіі на выдавецкую дзейнасьць беларускага выдаўца Ігара Логвінава. У якасьці прычыны чыноўнікі спасылаюцца на рашэньне суду Ашмянскага раёну ад 18 красавіка 2013 году, згодна зь якім матэрыялы альбома «Прэс-фота Беларусі 2011», выпушчанага выдавецтвам, прызнаныя экстрэмісцкімі.
«Заканадаўства аб супрацьдзеяньні экстрэмізму павінна быць накіравана на прадухіленьне сур’ёзных злачынстваў супраць дзяржавы і чалавецтва, а ня быць інструмэнтам цэнзуры.
Выдавецтва „Логвінаў“ зьяўляецца адным з флягманаў у справе выданьня беларускай літаратуры. Лічым, што пазбаўленьне выдавецтва ліцэнзіі нанясе вялізныя страты як культуры Беларусі, так і іміджу краіны», — гаворыцца ў заяве.
Ігар Логвінаў паведаміў, што выдавецтва плянуе накіраваць ліст на імя міністра інфармацыі Беларусі Алега Праляскоўскага з просьбай перагледзець прынятае рашэньне. Калі гэта не падзейнічае, ён не выключае звароту ў суд.
Юрыст Беларускай асацыяцыі журналістаў Андрэй Бастунец заявіў прэс-службе БАЖ, што беларускае заканадаўства не дае Мінінфарму права пазбаўляць выдавецтва ліцэнзіі.
Міністэрства інфармацыі Беларусі пазбавіла ліцэнзіі на выдавецкую дзейнасьць беларускага выдаўца Ігара Логвінава. У якасьці прычыны чыноўнікі спасылаюцца на рашэньне суду Ашмянскага раёну ад 18 красавіка 2013 году, згодна зь якім матэрыялы альбома «Прэс-фота Беларусі 2011», выпушчанага выдавецтвам, прызнаныя экстрэмісцкімі.
«Заканадаўства аб супрацьдзеяньні экстрэмізму павінна быць накіравана на прадухіленьне сур’ёзных злачынстваў супраць дзяржавы і чалавецтва, а ня быць інструмэнтам цэнзуры.
Выдавецтва „Логвінаў“ зьяўляецца адным з флягманаў у справе выданьня беларускай літаратуры. Лічым, што пазбаўленьне выдавецтва ліцэнзіі нанясе вялізныя страты як культуры Беларусі, так і іміджу краіны», — гаворыцца ў заяве.
Ігар Логвінаў паведаміў, што выдавецтва плянуе накіраваць ліст на імя міністра інфармацыі Беларусі Алега Праляскоўскага з просьбай перагледзець прынятае рашэньне. Калі гэта не падзейнічае, ён не выключае звароту ў суд.
Юрыст Беларускай асацыяцыі журналістаў Андрэй Бастунец заявіў прэс-службе БАЖ, што беларускае заканадаўства не дае Мінінфарму права пазбаўляць выдавецтва ліцэнзіі.
