Завадатар традыцыйных танцаў Аляксей Крукоўскі: «Мы ня робім шоў і мы ня робім канцэртаў»

Вялікім тэатральным фэстам завяршаецца 14–15 верасьня артыстычны сэзон на менскай вуліцы Карла Маркса. Цэлае лета па выходных тут сьпявалі, скакалі, гандлявалі ўласнаручнымі вырабамі, гралі ўсе, хто трапляў у вызначаны фармат арт-стрыту. Наш прыз глядацкіх сымпатыяў за сёлетняе карламарксаўскае вулічнае мастацтва атрымлівае музычна-танцавальная капэля «На таку». Яе завадатар Аляксей Крукоўскі — герой чарговага выпуску праграмы «Сталкеры Свабоды».