«Як можна камэнтаваць падобныя паведамленьні? Вы насамрэч верыце, што інтэрнэт-рэсурс, які распаўсюдзіў гэтую інфармацыю, мае надзейныя крыніцы ў Нацбанку?! Я не згадаю ніводнага выпадку, каб яны паведамілі надзейную інфармацыю з Нацбанку. Падобная інфармацыя не заслугоўвае нават камэнтароў. Камэнтароў заслугоўвае інфармацыя, якая паходзіць з больш-менш надзейных крыніц. Калі гэтая інфармацыя паходзіць зь нечых фантазій, то што тут можна камэнтаваць?» — сказаў карэспандэнту Свабоды прэсавы сакратар Нацбанку Аляксандар Цімашэнка.
З спасылкай на крыніцу ў Нацбанку сайт belaruspartisan.org паведаміў, што ўжо прынятае рашэньне пра дэвальвацыю беларускага рубля. Нібыта вызначаны і час (канец верасьня — першая палова кастрычніка), а ў Нацбанку абмяркоўваюць магчымасьць падзеньня рубля на 20–30%. Канчатковае рашэньне будзе прынятае пасьля атрыманьня чарговага траншу крэдыту ЭўрАзЭС.
Кіраўнік Беларусі Аляксандар Лукашэнка 6 верасьня заявіў, што беларускі рубель пад прамысловасьць дэвальвавацца ня будзе, а будзе «ўмацоўвацца або аслабляцца ў залежнасьці ад попыту і прапановы». Ён адзначыў, што цяпер беларускі рубель крыху аслабеў, бо вырас попыт на валюту. Паводле Лукашэнкі, ніякай штучнай дэвальвацыі ня будзе.
З спасылкай на крыніцу ў Нацбанку сайт belaruspartisan.org паведаміў, што ўжо прынятае рашэньне пра дэвальвацыю беларускага рубля. Нібыта вызначаны і час (канец верасьня — першая палова кастрычніка), а ў Нацбанку абмяркоўваюць магчымасьць падзеньня рубля на 20–30%. Канчатковае рашэньне будзе прынятае пасьля атрыманьня чарговага траншу крэдыту ЭўрАзЭС.
Кіраўнік Беларусі Аляксандар Лукашэнка 6 верасьня заявіў, што беларускі рубель пад прамысловасьць дэвальвавацца ня будзе, а будзе «ўмацоўвацца або аслабляцца ў залежнасьці ад попыту і прапановы». Ён адзначыў, што цяпер беларускі рубель крыху аслабеў, бо вырас попыт на валюту. Паводле Лукашэнкі, ніякай штучнай дэвальвацыі ня будзе.
