Суд даў Халіп свабоду

З калідору бачна, што Халіп і адвакатка Бахціна сядзяць ў калідоры за агароджай на лаўцы і размаўляюць.

Падыйсьці да іх немагчыма, бо праход праз краты ахоўваюць яшчэ і тры міліцыянты.

Судзьдзя не вярталася ў кабінэт.

Журналісты здымаюць Халіп праз агароджу.

Тым часам у суд прыяжджаюць людзі, якія вырашылі падтрымаць Халіп.

Публікі стала болей.

Наста Палажанка пераказала тэлефонную размову з Ірынай Халін: «Яна сказала, што заявіла адвод судзьдзе і пракурору, што не жадае, каб яе судзілі ў прысутнасьуці толькі „эекэвэдыста“. без журналістаў і публікі».

Яшчэ Халіп паведаміла Насьце, што адвакат Бахціна ўжо атрымала ад судзьдзі два папярэджаньня.

Халіп, паводле яе бацькі, хадайнічала, каб працэс праходзіў адктыта ў залі, але судзьдзя гэта адхіліла.

Тады Халіп заявіла ёй адвод.

Чаму адбываюцца такія падзеі? Ці ёсьць ў вас апасеньні, што будзе рашэньне пра прадаўжэньне нагляду?

На гэта Ўладзімер Халіп сказаў, што ў яго «прагнозу няма, бо прагноз у вар’ятні немагчымы».

Судзьдзя выйшла з кабінэту.

Аказваецца, Халіп заявіла хадайніцтва пра адвод судзьдзі.

Тая пайшла вырашаць.

Частка людзей працягвае знаходзіцца ў зале, частка ў калідоры.

Халіп і адкаватка з кабінэту пакуль не выходзілі.

Назіральнікі не выключаюць: інспэкцыя выкажацца, што Халіп «не стала на шлях выпраўленьня» і параіць працягнуць нагляд, суд з гэтым пагадзіцца.

Вэрсію пра падаўжэньне тэрміну нагляду не выключае юрыст Андрэй Бастунец.

Уладзь Лабковіч кажа, што Халіп хутка выйдзе з кабінэту з гатовым рашэньнем.

Прысутныя выйшлі ў калідор.

Людзі ня вераць, што працэс пройдзе ў залі.

Уладзімер Някляеў: «Такога яшчэ не было, каб судзьдзя забаялася і не выйшла».

Някляеў мяркуе, што паводле такога ж сцэнару пройдзе і разгляда ягонай справы Ленінскім судзе.

Судзьдзя гэтак і не выйшла.

Сакратарка запрасіла Ірыну Халіп і яе адваката выйсьці і павяла іх за сабой.

Фота і відэажурналісты кінуліся ў калідор, каб здымаць.

Ірыну Халіп завялі ў габінэт за шкляной загародкай ў канцы калідору.

Сакратар кажа, каб пакінулі залю людзі зь «вялікімі рэчамі».

Прысутныя абураецца, асабліва фота- і відэажурналісты.

Усе патрабуюць, каб судзьдзя сама вырашыла, ці можна весьці здымкі.

У залі суду зьявілася Наста Дашкевіч (Палажанка). Зь ёй Халіп разам сядзела ў турме КДБ.

Настрой ў Халіп, як яна кажа, добры. Але, дадае, вельмі засмуціў прысуд Навальнаму.

Ірыну Халіп абараняе адвакатка Ганна Бахціна.

Запусьцілі ў залю.

Прыйшло больш за 20 чалавек: сваякі, маці Андрэя Саньнікава, Уладзімер Някляеў.

Заля поўная.

На суд прыйшоў Крыстафэр Паніка, супрацоўнік амбасады ЗША.

Суд прадаставіў для слуханьняў вялікую залю, але пакуль наведвальнікаў туды не пускаюць.

Уладзімер Лабковіч, праваабаронца цэнтру «Вясна», патлумачыў: сёньняшняе паседжаньне — гэта адміністрацыйная працэдура ў межах крымінальнай справы.

Судзьдзя павінна вырашыць, што рабіць з Халіп: скасаваць адтэрміноўку і накіраваць у калёнію, пастанавіць, што яна адбыла пакараньне, альбо працягнуць дзеяньне адтэрміноўкі пакараньня.

Лабковіч прагранузе, што справу мусяць разгледзець даволі хутка, звычайна такія справы разглядаюць за паўгадзіны.

Ірына Халіп прыехала ў суд разам з бацькам Уладзімерам Халіпам.

На працэс прыйшлі праваабаронцы, прадстаўнікі амбасады Польшчы і офісу Эўракаміcіі.

На ўваходзе ў суд міліцыянты перапісалі дадзеныя журналістаў.

Справу Ірыны Халіп будзе разглядаць судзьдзя Рыта Шаграй.

Працэс пачынаецца а 9.30 раніцы.

Два гады таму Заводзкі суд Менску прызнаў жонку былога кандыдата на прэзыдэнта Андрэя Саньнікава вінаватай ва ўдзеле ў масавых беспарадках 19 сьнежня 2010 году і прысудзіў ёй 2 гады пазбаўленьня волі з адтэрміноўкай на два гады.