Вэнэсуэла: сухі закон на час жалобы па Чавэсу

У Вэнэсуэле часова забароненыя ня толькі продаж, але і ўжываньне алькагольных напояў.

Мэта такой забароны — забясьпечыць нармалёвае правядзеньне пахаваньня Чавэса.

Акрамя таго, урад краіны часова забараніў насіць з сабой зброю нават тымі грамадзянамі, якія маюць на яе дазвол. Гэта абмежаваньне будзе таксама дзейнічаць да 12 сакавіка. Яно не распаўсюджваецца на вайскоўцаў, паліцыю і спэцслужбы, адзначанае РІА «Новости».