Патэнцыйны прэтэндэнт на дэпутацкі мандат мусіць здаць як найменей адну тысячу подпісаў выбарцаў у сваю падтрымку. Праверка сапраўднасьці подпісаў, паводле закону, пройдзе з 14 па 23 жніўня. У кожнага прэтэндэнта, незалежна ад таго, якім спосабам ён вылучаецца, таксама правераць дэклярацыю аб прыбытках і маёмасьці.
Сёньня Валянціна Каляка, якая вылучаецца ў Лагойскай выбарчай акрузе № 75, перадала ў камісію ўсе дакумэнты, неабходныя для рэгістрацыі. Яна кажа, што этап збору подпісаў быў для яе вельмі напружаным й канфліктым. 1-га жніўня Валянціна атрымала папярэджаньне ад акруговай камісіі, якое нядаўна адмяніў Цэнтрвыбаркам.
Каляка: «Тое, з чым я сутыкнулася, не адпавядае аніякай лёгіцы здаровага сэнсу. Да прыкладу, старшыня мясцовага сельсавету Марыя Гнедчык кінула ўсе свае справы і займалася толькі тым, што „насілася“ па вёсках, дзе агітавала людзей альбо не аддаваць за мяне свае подпісы, ці адмаўляцца ад іх, хто раней паставіў».
Па словах Валянціны Каляка, ёй й ініцыятыўнай групе ўдалося сабраць 1141 подпіс. Кожны подпіс — пераправераны:
«Найперш, пэнсіянэры. Асабліва, каму за 70 гадоў. Вось прыяжджае да іх старшыня сельсавету і пачынае „душыць“, каб адмаўляліся ад сваіх жа подпісаў. Што яны могуць зрабіць у такім выпадку. Нічога. Бо людзі ад старшыні залежаць. У сваю чаргу на месцах чыноўнікі нічога не баяцца, бо пераканалася на ўсе 100%, што за імі нехта стаіць».
Валянціна Каляка — актыўная абаронца жыхароў тутэйшых вёсак й лецішчаў ад забудовы на тэрыторыі Смалявіцкага раёна кітайска-беларускага індустрыяльнага парку. Але за арганізацыю масавых пратэстаў сама зазнала перасьлед міліцыі й чыноўнікаў. Валянціна Каляка сьведчыць:
«Шок у мяне. Самы сапраўдны шок. Але чым больш яны на мяне ціснуць, тым больш я буду ім упарціцца і тым больш пераконваюся, што ўсё я раблю правільна. І дайсьці мне ў гэтых выбарах трэба да канца!».
Жабінка
У Белавескай выбарчай акрузе № 8 будзе вырашацца пытаньне, ці працягне ўдзел у выбарах Уладзімер Пузырэўскі — дарадца прэзыдэнта, галоўны інспэктар па Берасьцейскай вобласьці. Пра гэта паведаміў «Свабодзе» сябра акруговай камісіі Пётра Андрыевіч.
Белавеская выбарчая акруга № 8 сфармаваная ў Маларыцкім, Камянецкім і Жабінкаўскім раёнах. Як распавёў «Свабодзе» Пётра Андрыевіч, сябра акруговай камісіі, які вылучаны ад партыі БНФ, тут будзе разглядацца пытаньне пра рэгістрацыю кандыдатам у дэпутаты дарадцы прэзыдэнта Ўладзімера Пузырэўскага:
«Ёсьць парушэньні пры зборы подпісаў, з-за якіх подпісы можна лічыць несапраўднымі. Згодна з Выбарчым кодэксам, подпісы могуць не лічыцца. Бо ёсьць парушэньні. Заўтра паседжаньне камісіі будзе а 14:30, і там на камісіі будзем вырашаць».
Спадар Андрыевіч патлумачыў, што ў падпісных лістах за Ўладзімера Пузырэўскага запоўненыя ня ўсе неабходныя дадзеныя. Гэта зьяўляецца парушэньнем. Аднак сьцьвярджаць, што дарадцу прэзыдэнта не зарэгіструюць, Андрыевіч не бярэцца:
«Я ня думаю, што Пузырэўскі можа быць вылучаны толькі праз збор подпісаў. Можа, яшчэ і ад калектываў — двума шляхамі…»
На дадзены момант, кажа Пётар Андрыевіч, акрамя Ўладзімера Пузырэўскага па Белавескай выбарчай акрузе вылучаецца таксама прадстаўніца партыі БНФ Людміла Рамановіч.
На Гарадзеншчыне ня ўзьнікла праблемаў пры прыёме дакумэнтаў ад апазыцыйных прэтэндэнтаў у кандыдаты. Праўда, выдзеленыя месцы для правядзеньня агітацыі ў Горадні выклікаюць шмат пытаньняў у назіральнікаў за выбарамі.
Ад партыі БНФ па Гарадзеншчыне падалі дакумэнты на рэгістрацыю 7 асобаў, якія вылучаліся па партыйных сьпісах.
Ад партыі АГП па вобласьці — чатыры прэтэндэнты і таксама па партыйным сьпісе. Сябра кампаніі «Гавары праўду» Зьміцер Бандарчук адзіны ў Горадні апазыцыйны актывіст, які разам зь сябрамі ініцыятыўнай групы сабраў 1150 подпісаў і здаў іх у камісію для рэгістрацыі.
Ад партыі «Справядлівы сьвет» у вобласьці па партыйнаму сьпісу для рэгістрацыі падалі дакумэнты пяцёра прэтэндэнтаў.
Актывіст партыі Віктар Міхальчык: «Мы вылучылі ўсіх сваіх прэтэндэнтаў ад партыі — 5 чалавек па вобласьці. Трое ў Горадні, адзін у Лідзе і яшчэ адзін у Слоніме. Здалі ўжо дакумэнты, праблемаў ніякіх не было».
А вось назіральнік за выбарчым працэсам Раман Юргель зьвяртае ўвагу на рашэньне Гарадзенскага гарвыканкама ад 10 жніўня «Аб інфармаваньні выбаршчыкаў і перадвыбарчай агітацыі».
Праваабаронцу найперш насьцярожыла тое, што колькасьць месцаў для правядзеньня агітацыі ў цэнтры горада на вуліцы зьменшылася. У той самы час павялічылася колькасьць месцаў у закрытых памяшканьнях. Юргель лічыць, што гэта зроблена наўмысна, паколькі летам і на пачатку восені зручней праводзіць агітацыю на вуліцах у людных месцах.
Юргель: «Гэта малалюдныя месцы, як правіла, сквэры, спартовыя пляцоўкі — гэта месцы, дзе вельмі мала людзей. Улады пабаяліся выдзяляць шматлюдныя месцы ў цэнтры горада, як, да прыкладу, на Савецкай плошчы, у парку Жылібера, дзе ходзіць шмат людзей і зручна весьці агітацыю».
Лагойск
«Тое, з чым я сутыкнулася, не адпавядае аніякай лёгіцы здаровага сэнсу…»Сёньня Валянціна Каляка, якая вылучаецца ў Лагойскай выбарчай акрузе № 75, перадала ў камісію ўсе дакумэнты, неабходныя для рэгістрацыі. Яна кажа, што этап збору подпісаў быў для яе вельмі напружаным й канфліктым. 1-га жніўня Валянціна атрымала папярэджаньне ад акруговай камісіі, якое нядаўна адмяніў Цэнтрвыбаркам.
Каляка: «Тое, з чым я сутыкнулася, не адпавядае аніякай лёгіцы здаровага сэнсу. Да прыкладу, старшыня мясцовага сельсавету Марыя Гнедчык кінула ўсе свае справы і займалася толькі тым, што „насілася“ па вёсках, дзе агітавала людзей альбо не аддаваць за мяне свае подпісы, ці адмаўляцца ад іх, хто раней паставіў».
Па словах Валянціны Каляка, ёй й ініцыятыўнай групе ўдалося сабраць 1141 подпіс. Кожны подпіс — пераправераны:
«Найперш, пэнсіянэры. Асабліва, каму за 70 гадоў. Вось прыяжджае да іх старшыня сельсавету і пачынае „душыць“, каб адмаўляліся ад сваіх жа подпісаў. Што яны могуць зрабіць у такім выпадку. Нічога. Бо людзі ад старшыні залежаць. У сваю чаргу на месцах чыноўнікі нічога не баяцца, бо пераканалася на ўсе 100%, што за імі нехта стаіць».
Валянціна Каляка — актыўная абаронца жыхароў тутэйшых вёсак й лецішчаў ад забудовы на тэрыторыі Смалявіцкага раёна кітайска-беларускага індустрыяльнага парку. Але за арганізацыю масавых пратэстаў сама зазнала перасьлед міліцыі й чыноўнікаў. Валянціна Каляка сьведчыць:
«Шок у мяне. Самы сапраўдны шок. Але чым больш яны на мяне ціснуць, тым больш я буду ім упарціцца і тым больш пераконваюся, што ўсё я раблю правільна. І дайсьці мне ў гэтых выбарах трэба да канца!».
Жабінка
Камянец
Маларыта
Белавеская выбарчая акруга № 8 сфармаваная ў Маларыцкім, Камянецкім і Жабінкаўскім раёнах. Як распавёў «Свабодзе» Пётра Андрыевіч, сябра акруговай камісіі, які вылучаны ад партыі БНФ, тут будзе разглядацца пытаньне пра рэгістрацыю кандыдатам у дэпутаты дарадцы прэзыдэнта Ўладзімера Пузырэўскага:
«Ёсьць парушэньні пры зборы подпісаў, з-за якіх подпісы можна лічыць несапраўднымі. Згодна з Выбарчым кодэксам, подпісы могуць не лічыцца. Бо ёсьць парушэньні. Заўтра паседжаньне камісіі будзе а 14:30, і там на камісіі будзем вырашаць».
Спадар Андрыевіч патлумачыў, што ў падпісных лістах за Ўладзімера Пузырэўскага запоўненыя ня ўсе неабходныя дадзеныя. Гэта зьяўляецца парушэньнем. Аднак сьцьвярджаць, што дарадцу прэзыдэнта не зарэгіструюць, Андрыевіч не бярэцца:
«Я ня думаю, што Пузырэўскі можа быць вылучаны толькі праз збор подпісаў. Можа, яшчэ і ад калектываў — двума шляхамі…»
На дадзены момант, кажа Пётар Андрыевіч, акрамя Ўладзімера Пузырэўскага па Белавескай выбарчай акрузе вылучаецца таксама прадстаўніца партыі БНФ Людміла Рамановіч.
Горадня
Для агітацыі павялічылі колькасьць месцаў у зачыненых памяшканьнях, а на вуліцы — скарацілі.Ад партыі БНФ па Гарадзеншчыне падалі дакумэнты на рэгістрацыю 7 асобаў, якія вылучаліся па партыйных сьпісах.
Ад партыі АГП па вобласьці — чатыры прэтэндэнты і таксама па партыйным сьпісе. Сябра кампаніі «Гавары праўду» Зьміцер Бандарчук адзіны ў Горадні апазыцыйны актывіст, які разам зь сябрамі ініцыятыўнай групы сабраў 1150 подпісаў і здаў іх у камісію для рэгістрацыі.
Ад партыі «Справядлівы сьвет» у вобласьці па партыйнаму сьпісу для рэгістрацыі падалі дакумэнты пяцёра прэтэндэнтаў.
Актывіст партыі Віктар Міхальчык: «Мы вылучылі ўсіх сваіх прэтэндэнтаў ад партыі — 5 чалавек па вобласьці. Трое ў Горадні, адзін у Лідзе і яшчэ адзін у Слоніме. Здалі ўжо дакумэнты, праблемаў ніякіх не было».
А вось назіральнік за выбарчым працэсам Раман Юргель зьвяртае ўвагу на рашэньне Гарадзенскага гарвыканкама ад 10 жніўня «Аб інфармаваньні выбаршчыкаў і перадвыбарчай агітацыі».
Праваабаронцу найперш насьцярожыла тое, што колькасьць месцаў для правядзеньня агітацыі ў цэнтры горада на вуліцы зьменшылася. У той самы час павялічылася колькасьць месцаў у закрытых памяшканьнях. Юргель лічыць, што гэта зроблена наўмысна, паколькі летам і на пачатку восені зручней праводзіць агітацыю на вуліцах у людных месцах.
Юргель: «Гэта малалюдныя месцы, як правіла, сквэры, спартовыя пляцоўкі — гэта месцы, дзе вельмі мала людзей. Улады пабаяліся выдзяляць шматлюдныя месцы ў цэнтры горада, як, да прыкладу, на Савецкай плошчы, у парку Жылібера, дзе ходзіць шмат людзей і зручна весьці агітацыю».
