Як заявіў журналістам міністар унутраных спраў краіны Махамад Найджар, колькасьць ахвяр і пацярпелых аказалася ніжэй, чым заяўлялася раней. Паводле яго даных, загінулі 227 чалавек, пацярпелі 1380.
Паводле словаў міністра, выратавальныя працы цалкам завершаны. Цяпер асноўная ўвага засяроджана на забесьпячэньні харчаваньнем і жыльлём людзей, якія засталіся без даху над галавой — іх каля 16 тысяч. Найджар паведаміў, што з шасьцісот паселішчаў, якія знаходзіліся ў зоне землятрусу, разбураныя больш за палову.
Перы землятрус меў магнітуда 6,4. Другі штуршок магнітудай 6,3 адбыўся праз 11 хвілін пасьля першага. Землятрус здарыўся з правінцыі Ўсходні Азэрбайджан на паўночным захадзе Ірану.
Раней паведамлялася, што колькасьць ахвяр землятрусу ў Іране ўзрасла да 250, а прынамсі 1800 чалавек атрымалі раненьні.
Фотагалерэя:
Разбураныя землятрусам вёскі на паўночным захадзе Ірану
Два моцныя землятрусы і наступныя штуршкі ўдарылі па паўночным захадзе Ірану ў канцы дня 11 жніўня. Больш за 200 чалавек загінулі, больш за 1300 атрымалі раненьні. Фотаздымкі з іранскіх інфармацыйных агенцтваў паказваюць маштабы разбурэнняў ва Ўсходнім Азэрбайджане - паўночна заходнім рэгіёне Ірану.
