Тацяна Новікава патрабавала прызнаць незаконным рашэньне аб яе адміністрацыйным арышце, які яна адбыла ў турме на вуліцы Акрэсьціна цягам пяці сутак.
Рашэньне Менскага гарадзкога суду Тацяна Новікава лічыць несправядлівым, гэтаксама як і суду папярэдняй інстанцыі — аб яе адміністрацыйным арышце — і называе яго палітычна матываваным:
«Суд Маскоўскага раёну быў ня проста фармальнасьцю, а пляўком у твар і жаданьнем паказаць, што такія пытаньні, як будаўніцтва АЭС, падымаць ня трэба. Што ўлада ў гэтай краіне будзе будаваць атамную станцыю, бо ёй абсалютна абыякавая думка людзей. Яна і надалей будзе запалохваць, арыштоўваць і выкарыстоўваць іншыя сродкі адміністрацыйнага ціску на грамадзян, якія супраць гэтага будаўніцтва. І нават ня проста супраць, а гаворка пра тое, што мы выкрываем сур’ёзныя парушэньні і за гэта нас ціснуць і рэпрэсуюць. Менскі гарадзкі суд таксама быў фармальнасьцю і пакінуў рашэньне раённага бязь зьменаў».
Тацяну Новікаву затрымалі ў Менску 18 ліпеня, калі ў дзень прыезду ў Беларусь расейскага прэм’ер-міністра яна плянавала перадаць у амбасаду Расейскай Фэдэрацыі зварот да Дзьмітрыя Мядзьведзева супраць падпісаньня генэральнага кантракту на будаўніцтва АЭС у Астраўцы. Яе зьвінавацілі паводле артыкула 17.1 аб дробным хуліганстве і асудзілі за гэта на 5 сутак турмы. Разам зь ёй у гэты дзень таксама затрымалі і пакаралі «суткамі» і штрафам старшыню грамадзкага аб’яднаньня «Экадом» Ірыну Сухій, каардынатара маніторынгавай групы Цэнтру прававой трансфармацыі Міхаіла Мацкевіча і расейскага фізыка-ядзершчыка Андрэя Ажароўскага. Усіх іх зьвінавацілі ў брыдкаслоўі ў грамадзкім месцы. Ірына Сухій таксама мае намер абскардзіць свой штраф:
«Бо мы ня лаяліся матам. І насамрэч ужо абрыдла гэткая нахабная хлусьня сілавых структур. І з гэтага гледжаньня проста нельга даваць ім спакойна жыць — гэта дакладна».
Тацьцяна Новікава таксама паведаміла, што з нагляднай скаргай на рашэньне Менскага гарадзкога суду будзе зьвяртацца ў Вярхоўны суд, хоць і ня мае спадзяваньняў на выніковасьць яе разгляду:
«З улікам таго, што ўся гэтая сыстэма дзейнічае паводле загадаў зьверху, то гэта спроба запалохаць людзей, якія маюць грамадзянскую пазыцыю, і гэта папросту „бязьмежжа“. І гэта насамрэч страшна, бо сёньня арыштавалі нас — людзей, якія не займаюцца палітыкай, якія дзейнічаюць дзеля дабра ўсіх грамадзян. Заўтра будуць арыштоўваць настаўнікаў, лекараў, і гэта будзе, як часы, апісаныя Салжаніцыным. І самае неразумнае, што можна зрабіць у гэтай сытуацыі, — гэта маўчаць».
Рашэньне Менскага гарадзкога суду Тацяна Новікава лічыць несправядлівым, гэтаксама як і суду папярэдняй інстанцыі — аб яе адміністрацыйным арышце — і называе яго палітычна матываваным:
«Суд Маскоўскага раёну быў ня проста фармальнасьцю, а пляўком у твар і жаданьнем паказаць, што такія пытаньні, як будаўніцтва АЭС, падымаць ня трэба. Што ўлада ў гэтай краіне будзе будаваць атамную станцыю, бо ёй абсалютна абыякавая думка людзей. Яна і надалей будзе запалохваць, арыштоўваць і выкарыстоўваць іншыя сродкі адміністрацыйнага ціску на грамадзян, якія супраць гэтага будаўніцтва. І нават ня проста супраць, а гаворка пра тое, што мы выкрываем сур’ёзныя парушэньні і за гэта нас ціснуць і рэпрэсуюць. Менскі гарадзкі суд таксама быў фармальнасьцю і пакінуў рашэньне раённага бязь зьменаў».
Тацяну Новікаву затрымалі ў Менску 18 ліпеня, калі ў дзень прыезду ў Беларусь расейскага прэм’ер-міністра яна плянавала перадаць у амбасаду Расейскай Фэдэрацыі зварот да Дзьмітрыя Мядзьведзева супраць падпісаньня генэральнага кантракту на будаўніцтва АЭС у Астраўцы. Яе зьвінавацілі паводле артыкула 17.1 аб дробным хуліганстве і асудзілі за гэта на 5 сутак турмы. Разам зь ёй у гэты дзень таксама затрымалі і пакаралі «суткамі» і штрафам старшыню грамадзкага аб’яднаньня «Экадом» Ірыну Сухій, каардынатара маніторынгавай групы Цэнтру прававой трансфармацыі Міхаіла Мацкевіча і расейскага фізыка-ядзершчыка Андрэя Ажароўскага. Усіх іх зьвінавацілі ў брыдкаслоўі ў грамадзкім месцы. Ірына Сухій таксама мае намер абскардзіць свой штраф:
Абрыдла гэткая нахабная хлусьня сілавых структур.
«Бо мы ня лаяліся матам. І насамрэч ужо абрыдла гэткая нахабная хлусьня сілавых структур. І з гэтага гледжаньня проста нельга даваць ім спакойна жыць — гэта дакладна».
Тацьцяна Новікава таксама паведаміла, што з нагляднай скаргай на рашэньне Менскага гарадзкога суду будзе зьвяртацца ў Вярхоўны суд, хоць і ня мае спадзяваньняў на выніковасьць яе разгляду:
«З улікам таго, што ўся гэтая сыстэма дзейнічае паводле загадаў зьверху, то гэта спроба запалохаць людзей, якія маюць грамадзянскую пазыцыю, і гэта папросту „бязьмежжа“. І гэта насамрэч страшна, бо сёньня арыштавалі нас — людзей, якія не займаюцца палітыкай, якія дзейнічаюць дзеля дабра ўсіх грамадзян. Заўтра будуць арыштоўваць настаўнікаў, лекараў, і гэта будзе, як часы, апісаныя Салжаніцыным. І самае неразумнае, што можна зрабіць у гэтай сытуацыі, — гэта маўчаць».
