НА ДВАРЫ
Цёпла, нават па-летняму горача і без ападкаў. Тэмпэратура паветра днём — 14-22, па поўдні краіны — 23-29 цяпла.
СЁНЬНЯ Ў БЕЛАРУСІ І СЬВЕЦЕ
У Венскім міжнародным цэнтры адкрыецца сэсія падрыхтоўчага камітэту да пазьнейшай канфэрэнцыі бакоў Дамовы аб нераспаўсюджаньні ядзернай зброі.
У Нацыянальнай бібліятэцы Беларусі адкрыецца канфэрэнцыя Mobile Monday, прысьвечная агляду індустрыі мабільных тэхналёгій і іх напрамкам.
У сталічным клюбе па вуліцы Даўгабродскай, 24 а 19-й гадзіне адбудзецца сустрэча са сьпеваком Аляксандрам Памідоравым.
ТАКСАМА Ў ГЭТЫ ДЗЕНЬ
1917 — у Менску створаны франтавы камітэт Заходняга фронту.
1961 — у Менску адбылося вясельле амэрыканца Лі Гарві Освальда і Марыны Прусаковай. Праз два гады Освальда абвінавацяць у забойстве прэзыдэнта Джона Кенэдзі.
1975 — закончылася вайна ў Віетнаме, сёньня ў гэтай краіне дзяржаўнае сьвята. У ЗША 30 красавіка адзначаецца дзень вэтэранаў вайны ў Віетнаме.
1992 — у Жэнэве было абвешчана, што тэхналёгія Сусьветнай павуціны, ці World Wide Web, цяпер больш вядомай як інтэрнэт, будзе для ўсіх бясплатнай.
У гэты дзень нарадзіліся
1881 — беларускі паэт Янка Журба.
1883 — чэскі пісьменьнік —сатырык Яраслаў Гашак, аўтар прыгодаў славутага салдата Швэйка.
У гэты дзень памерлі
1883- Эдуард Манэ, францускі мастак, адзін з заснавальнікаў імпрэсіянізму.
У 1945, калі пачаўся штурм Рэйхстагу, пакончыў жыцьцё самагубствам Адольф
Гітлер (нар 1889).
ЁСЬЦЬ НАГОДА
Сусьветны дзень пародненых гарадоў.
МІНУС 365
Кадафі заклікаў НАТО да перамоваў, але ў адстаўку не зьбіраецца
Брытанскі прынц Уільям і Кэтрын Мідлтан накіраваліся ў вясельнае падарожжа
Зьмітра Дашкевіча адправяць ў калёнію ў Горках
ЦЫТАТА НА ПАМЯЦЬ
«Мой жах перад новай расейскай зімой растае ў цудоўным золаце і чырвані восені ў Беларусі».
Зь дзёньніка Лі Гарві Освальда.
