Рэдакцыя газэты «Наша ніва» атрымала копію ліста за подпісам генэральнага дырэктара «Амкадора» Валерыя Кандратчыка, накіраванага 9 красавіка 2012 году міністру інфармацыі Беларусі Алегу Праляскоўскаму. У ім амкадоравец «пераканаўча просіць» вынесьці газэце папярэджаньне за распаўсюд няпэўнай інфармацыі і прыняць «іншыя меры, прадугледжаныя заканадаўствам».
Кандратчык абураецца артыкулам «Мільянэр са скальпэлем», які быў надрукаваны ў «Нашай ніве». Артыкул прысьвячаўся старшыні рады дырэктараў «Амкадора», сэнатару Аляксандру Шакуціну.
Аўтар ліста выказвае на трох старонках ажно 7 прэтэнзіяў да рэдакцыі газэты.
Паводле рэдакцыі «Нашай нівы», «гонар, годнасьць і дзелавую рэпутацыю» прадпрыемства будзе псаваць не памылка друку ў назьве заводу «Унімод» і нават не пераблытаны здымак Шакуціна:
«Перакананыя, што эўрапейскія інвэстары і пакупнікі перадусім зьвернуць увагу на ўдзел „Амкадора“ ў ціску на незалежную прэсу Беларусі, — адзначае „Наша ніва“. — Абсурдна і падазрона, калі той бізнэс, на словах дэкляруючы сваю празрыстасьць, пачынае чапляцца да публікацыяў пра яго. Мы ўспрымаем гэты „наезд“ як чарговую палітычную справу».
Кандратчык абураецца артыкулам «Мільянэр са скальпэлем», які быў надрукаваны ў «Нашай ніве». Артыкул прысьвячаўся старшыні рады дырэктараў «Амкадора», сэнатару Аляксандру Шакуціну.
Аўтар ліста выказвае на трох старонках ажно 7 прэтэнзіяў да рэдакцыі газэты.
Паводле рэдакцыі «Нашай нівы», «гонар, годнасьць і дзелавую рэпутацыю» прадпрыемства будзе псаваць не памылка друку ў назьве заводу «Унімод» і нават не пераблытаны здымак Шакуціна:
«Перакананыя, што эўрапейскія інвэстары і пакупнікі перадусім зьвернуць увагу на ўдзел „Амкадора“ ў ціску на незалежную прэсу Беларусі, — адзначае „Наша ніва“. — Абсурдна і падазрона, калі той бізнэс, на словах дэкляруючы сваю празрыстасьць, пачынае чапляцца да публікацыяў пра яго. Мы ўспрымаем гэты „наезд“ як чарговую палітычную справу».
