Відэарубрыка «Такое жыцьцё»: здымаюць карэспандэнты «Свабоды» — здымайце і вы!
Героі рубрыкі — звычайныя людзі ў розных сытуацыях, у судах, на канцэртах, сходах, у рэстаранах, цэрквах, музэях... Шукаем кадры, якія гавораць самі за сябе, ад радзільнага дому да могілак.
Апрача славы, аўтары найлепшых прысланых відэа атрымаюць у падарунак flip-камэру. Пераможцаў вызначае рэдакцыя штомесяц цягам 2012 году. Першыя вынікі будуць абвешчаныя ў канцы лютага.
Даслаць сваё відэа (агульны хранамэтраж здымкаў не даўжэй за 3 хвіліны) альбо дамовіцца на іншы спосаб перадачы файлаў можна праз пошту rferl.minsk@gmail.com
Тэхнічныя патрабаваньні: пажаданыя памеры карцінкі — 640х360 (прапорцыя 16:9) альбо 480х360 (4:3); відэа мусіць быць у любым з агульнапрынятых фарматаў — MPEG, MPEG2, MP4, AVI, 3GP ці іншым.
Рэдакцыя пакідае за сабой права рэдагаваць атрыманыя ад чытачоў відэа і выкарыстоўваць іх у любой прадукцыі «Радыё Свабода».
