Цыганкоў: Кіраўнік выканаўчай улады сустракаецца з кіраўніком заканадаўчай і па сутнасьці дае яму заданьні, якімі павінны быць выбары. Гаворыць, напрыклад, пра тое, колькі ў новым парлямэнце павінна быць дэпутатаў старога — каля чвэрці. Ці выглядае гэта законным і дэмакратычным?
Кароль: Не, зразумела. У дэмакратычнай практыцы такога няма. Але дэмакратычныя правілы ў Беларусі — толькі вонкавая імітацыя, таму ўсё заканамерна.
А вось сама формула, агучаная Лукашэнкам, дае магчымасць для высновы, што ўсё застанецца, як было. Тыя ж функцыі і паўнамоцтвы ў Палаты прадстаўнікоў, якую вельмі ўмоўна можна назваць «парлямэнтам». Будзе тры чвэрці новых людзей, але абсалютна аднолькавых. Бо «балбатуноў» там сапраўды няма. Бо гэтая палатка ціхая, і ніколі нідзе не падвышае свой голас, проста ціха галасуе «за». Так павінна і захавацца — гэта ўстаноўка кіраўніка дзяржавы.
Цыганкоў: Ці можна сказаць, што ўжо цяпер, за паўгода да правядзеньня выбараў, ужо няма ніякай інтрыгі. Напрыклад, на папярэдніх парлямэнцкіх выбарах была інтрыга ў тым, ці прапусьціць улада кагосьці з апазыцыянэраў. Ці ня сьведчаць словы Лукашэнкі, што цяпер такой інтрыгі можна не чакаць?
Кароль: Я гэта і меў на ўвазе. «Балбатуны» — гэта азначэньне апазыцыянэраў, якім ужо адмоўлена быць у Палаце нават у выніку нейкіх дамоваў.
Але інтрыга ёсьць, і яна можа быць створана апазыцыяй. Я маю на ўвазе — байкот ці не, адкліканьне сваіх кандыдатаў напярэдадні галасаваньня. Але гэтая інтрыга пакуль што праглядаецца даволі слабавата, бо няма адзінства сярод апазыцыйных структураў.
Цыганкоў: А на вашую думку, які варыянт найбольш прымальны для дэмакратычнай апазыцыі?
Кароль: Варыянт байкоту, безумоўна, выглядае найбольш прымальным і адэкватным сытуацыі. Безумоўна, моцным крокам было б адначасовае зьняцьцё кандыдатаў напярэдадні датэрміновага галасаваньня. Гэта было б заўважна, моцна, і дапамагло б прыцягнуць увагу той часткі электарату, якая не ўспрымае ўжо гэты рэжым.
Кароль: Не, зразумела. У дэмакратычнай практыцы такога няма. Але дэмакратычныя правілы ў Беларусі — толькі вонкавая імітацыя, таму ўсё заканамерна.
А вось сама формула, агучаная Лукашэнкам, дае магчымасць для высновы, што ўсё застанецца, як было. Тыя ж функцыі і паўнамоцтвы ў Палаты прадстаўнікоў, якую вельмі ўмоўна можна назваць «парлямэнтам». Будзе тры чвэрці новых людзей, але абсалютна аднолькавых. Бо «балбатуноў» там сапраўды няма. Бо гэтая палатка ціхая, і ніколі нідзе не падвышае свой голас, проста ціха галасуе «за». Так павінна і захавацца — гэта ўстаноўка кіраўніка дзяржавы.
Цыганкоў: Ці можна сказаць, што ўжо цяпер, за паўгода да правядзеньня выбараў, ужо няма ніякай інтрыгі. Напрыклад, на папярэдніх парлямэнцкіх выбарах была інтрыга ў тым, ці прапусьціць улада кагосьці з апазыцыянэраў. Ці ня сьведчаць словы Лукашэнкі, што цяпер такой інтрыгі можна не чакаць?
Кароль: Я гэта і меў на ўвазе. «Балбатуны» — гэта азначэньне апазыцыянэраў, якім ужо адмоўлена быць у Палаце нават у выніку нейкіх дамоваў.
Але інтрыга ёсьць, і яна можа быць створана апазыцыяй. Я маю на ўвазе — байкот ці не, адкліканьне сваіх кандыдатаў напярэдадні галасаваньня. Але гэтая інтрыга пакуль што праглядаецца даволі слабавата, бо няма адзінства сярод апазыцыйных структураў.
Цыганкоў: А на вашую думку, які варыянт найбольш прымальны для дэмакратычнай апазыцыі?
Кароль: Варыянт байкоту, безумоўна, выглядае найбольш прымальным і адэкватным сытуацыі. Безумоўна, моцным крокам было б адначасовае зьняцьцё кандыдатаў напярэдадні датэрміновага галасаваньня. Гэта было б заўважна, моцна, і дапамагло б прыцягнуць увагу той часткі электарату, якая не ўспрымае ўжо гэты рэжым.
