Цыганкоў: «Кааліцыя шасьці» 8 лютага зноў абмеркавала агульную стратэгію выбарчай кампаніі. На гэты раз абышлося без скандалаў і ўдалося дасягнуць значна большай згоды, чым раней. Наколькі пэрспэктыўнай выглядае магчымасьць падпісаньня агульнага пагадненьня? Ці разыходжаньні даволі вялікія, ці стратэгічная згода іх пераважае?
Пазьняк: Наколькі я ведаю, існуе дакумэнт, дэклярацыя аб формах і мэтах удзелу ў выбарчай кампаніі. І згода па гэтым дакумэнце была дасягнутая амаль усімі суб’ектамі «шасьцёркі», акрамя партыі «Справядлівы сьвет». Урэшце, і яны вырашылі правесьці ўнутрыпартыйную дыскусію і вызначыцца са сваім стаўленьнем.
Ва ўсіх астатніх суб’ектаў была прынцыповая згода. І мне падаецца, што папярэдні скандал быў выкліканы выключна піяр-момантамі пэўных палітыкаў. І калі зараз паведамляецца, што бакі прыходзяць да згоды — то тут нічога дзіўнага няма, бо іхнія пазыцыі першапачаткова былі досыць блізкімі.
Цыганкоў: Варыянт, які, верагодна, будзе падпісаны, магчыма, будзе блізкі да пазыцыі АГП — гэта фактычна актыўны байкот: мусяць вылучацца толькі партыйныя кандыдаты, якія здымуцца перад папярэднім галасаваньнем і заклічуць выбаршчыкаў не хадзіць на выбары.
Пазьняк: Пазыцыя АГП ніяк не супярэчыць вышэйузгаданай дэклярацыі. Адзіная новае — гэта ідэя вылучаць менавіта партыйных кандыдатаў. Тут ёсьць рацыя — бо гэта забясьпечыць дысцыпліну, будзе гарантыяй, што дамоўленасьці паміж суб’ектамі «шасьцёркі» будуць выкананыя. А гэта вельмі важна для іміджу апазыцыі — як маральнага, гэтак і арганізацыйнага.
Пазьняк: Наколькі я ведаю, існуе дакумэнт, дэклярацыя аб формах і мэтах удзелу ў выбарчай кампаніі. І згода па гэтым дакумэнце была дасягнутая амаль усімі суб’ектамі «шасьцёркі», акрамя партыі «Справядлівы сьвет». Урэшце, і яны вырашылі правесьці ўнутрыпартыйную дыскусію і вызначыцца са сваім стаўленьнем.
Ва ўсіх астатніх суб’ектаў была прынцыповая згода. І мне падаецца, што папярэдні скандал быў выкліканы выключна піяр-момантамі пэўных палітыкаў. І калі зараз паведамляецца, што бакі прыходзяць да згоды — то тут нічога дзіўнага няма, бо іхнія пазыцыі першапачаткова былі досыць блізкімі.
Цыганкоў: Варыянт, які, верагодна, будзе падпісаны, магчыма, будзе блізкі да пазыцыі АГП — гэта фактычна актыўны байкот: мусяць вылучацца толькі партыйныя кандыдаты, якія здымуцца перад папярэднім галасаваньнем і заклічуць выбаршчыкаў не хадзіць на выбары.
Пазьняк: Пазыцыя АГП ніяк не супярэчыць вышэйузгаданай дэклярацыі. Адзіная новае — гэта ідэя вылучаць менавіта партыйных кандыдатаў. Тут ёсьць рацыя — бо гэта забясьпечыць дысцыпліну, будзе гарантыяй, што дамоўленасьці паміж суб’ектамі «шасьцёркі» будуць выкананыя. А гэта вельмі важна для іміджу апазыцыі — як маральнага, гэтак і арганізацыйнага.
