Чыноўнік спадзяецца, што экспарт такіх паслугаў дапаможа будаўнічай галіне рэгіёну пераадолець крызіс.
Два буйныя домабудаўнічыя камбінаты, Бабруйскі й Магілёўскі, значацца ў сьпісе стратных прадпрыемстваў вобласьці. Апынуліся яны там пасьля скарачэньня дзяржаўнага фінансаваньня.
«Трэба будаваць і ў нашых суседзяў — у Смаленскай і Бранскай вобласьці. За расейскія рублі, за валюту. У тым ліку, цалкам верагодна, і тыя ж аграгарадкі, якія мы з вамі ўмеем будаваць. Тыя ж вытворчыя аб’екты з жалезабэтону мы можам будаваць, але там. Вось гэта ўсё неабходна нам расьпісаць», — заявіў Пётар Руднік на нарадзе, прысьвечанай пытаньням стратных прадпрыемстваў.
Паводле афіцыйнай інфармацыі, стратных прадпрыемстваў цяпер у вобласьці сорак пяць.
Што да ўзьведзеных на Магілёўшчыне аграгарадкоў, то іх больш за 200. Пасьля іх засяленьня жыхары нярэдка наракалі на нездавальняючую якасьць будаўніцтва. Скардзіліся ў кантрольныя арганізацыі й таму ж Пятру Рудніку.
Два буйныя домабудаўнічыя камбінаты, Бабруйскі й Магілёўскі, значацца ў сьпісе стратных прадпрыемстваў вобласьці. Апынуліся яны там пасьля скарачэньня дзяржаўнага фінансаваньня.
«Трэба будаваць і ў нашых суседзяў — у Смаленскай і Бранскай вобласьці. За расейскія рублі, за валюту. У тым ліку, цалкам верагодна, і тыя ж аграгарадкі, якія мы з вамі ўмеем будаваць. Тыя ж вытворчыя аб’екты з жалезабэтону мы можам будаваць, але там. Вось гэта ўсё неабходна нам расьпісаць», — заявіў Пётар Руднік на нарадзе, прысьвечанай пытаньням стратных прадпрыемстваў.
Паводле афіцыйнай інфармацыі, стратных прадпрыемстваў цяпер у вобласьці сорак пяць.
Што да ўзьведзеных на Магілёўшчыне аграгарадкоў, то іх больш за 200. Пасьля іх засяленьня жыхары нярэдка наракалі на нездавальняючую якасьць будаўніцтва. Скардзіліся ў кантрольныя арганізацыі й таму ж Пятру Рудніку.
