Беларусь пакуль не атрымае другога траншу крэдыту Антыкрызіснага фонду ЭўрАзЭС з-за невыкананьня забавязаньняў.
Тэрміны выдзяленьня Беларусь 400 мільёнаў даляраў другой часткі крэдыту Антыкрызіснага фонду ЭўрАзЭС могуць быць перанесеныя, лічыць адзін з кіраўнікоў Эўразійскага банку разьвіцьця Дзьмітры Красільнікаў. Чакалася, што грошы прыйдуць у Беларусь да канца кастрычніка.
Красільнікаў патлумачыў, што Беларусь пакуль так і ня выканала ніводнага з забвязаньняў перад Антыкрызісным фондам, якія брала на сябе, калі прасіла крэдыт. Яны тычыліся структурных рэформаў эканомікі. Першую частку - 800 мільёнаў з трохмілярднага крэдыту - Беларусь атрымала ў канцы чэрвеня. Аднак дагэтуль так і «не праведзеная уніфікацыя абменнага курсу, не стабілізаваная сытуацыя з рэзэрвамі, не адноўлены давер насельніцтва да нацыянальнай валюты», - зазначыў Красільнікаў.
"Палітыка беларускіх уладаў заганяе ўглыб хваробы эканомікі краіны, і калі Менск ня будзе выконваць абавязаньняў, прынятых пры атрыманьні крэдыту ЭўрАзЭС, яго ўмовы могуць быць перагледжаны ў лістападзе", - заявіў у ліпені міністар фінансаў Расеі Аляксей Кудрын.
Тым часам намесьнік старшыні праўленьня Нацбанку Беларусі Сяргей Дубкоў сёньня прызнаў, што «на гэты момант крэдытаваньне застаецца адзінай рэальнай крыніцай фінансаваньня эканомікі».
Тэрміны выдзяленьня Беларусь 400 мільёнаў даляраў другой часткі крэдыту Антыкрызіснага фонду ЭўрАзЭС могуць быць перанесеныя, лічыць адзін з кіраўнікоў Эўразійскага банку разьвіцьця Дзьмітры Красільнікаў. Чакалася, што грошы прыйдуць у Беларусь да канца кастрычніка.
Красільнікаў патлумачыў, што Беларусь пакуль так і ня выканала ніводнага з забвязаньняў перад Антыкрызісным фондам, якія брала на сябе, калі прасіла крэдыт. Яны тычыліся структурных рэформаў эканомікі. Першую частку - 800 мільёнаў з трохмілярднага крэдыту - Беларусь атрымала ў канцы чэрвеня. Аднак дагэтуль так і «не праведзеная уніфікацыя абменнага курсу, не стабілізаваная сытуацыя з рэзэрвамі, не адноўлены давер насельніцтва да нацыянальнай валюты», - зазначыў Красільнікаў.
"Палітыка беларускіх уладаў заганяе ўглыб хваробы эканомікі краіны, і калі Менск ня будзе выконваць абавязаньняў, прынятых пры атрыманьні крэдыту ЭўрАзЭС, яго ўмовы могуць быць перагледжаны ў лістападзе", - заявіў у ліпені міністар фінансаў Расеі Аляксей Кудрын.
Тым часам намесьнік старшыні праўленьня Нацбанку Беларусі Сяргей Дубкоў сёньня прызнаў, што «на гэты момант крэдытаваньне застаецца адзінай рэальнай крыніцай фінансаваньня эканомікі».
