На 28 чэрвеня прызначылі чарговае паседжаньне закрытага працэсу над журналістам "Газэты выборчай" Андрэем Пачобутам. Яго абвінавачваюць у абразе і паклёпе на Аляксандра Лукашэнку. На гэтым тыдні чакаецца прысуд, пракурор папрасіў пакараць журналіста 3 гадамі турмы. У Андрэя двое дзяцей: дачцэ Яне дзесяць гадоў, сыну Яраславу толькі год, жонка Аксана ў дэкрэтным адпачынку. Андрэй Пачобут каля трох месяцаў за кратамі — у сьледчым ізалятары гарадзенскай турмы № 1. Хто дапамагае сёньня сям’і журналіста?
Аксане Пачобут сёньня дапамагаюць найперш мужавы бацькі. Андрэеў бацька Станіслаў Пачобут згадвае, што калісьці працаваў у гарадзкой газэце на Сахаліне, ведае журналісцкі хлеб.
Станіслаў Пачобут з унукам Яраславам
Ст. Пачобут: "Я ўзяў на сябе абавязак аплачваць кватэру сына — пакуль ён ня будзе дома, і трымаю слова, пару ўжо месяцаў плачу. Пэнсія самі ведаеце якая, з пэнсіі гэта няпроста".
Пэнсія ў Станіслава Пачобута — 720 тысяч рублёў:
"Мы на зьмену з жонкай, праўда, жонка болей сядзіць з унукамі, таму што Аксана цяпер стамляецца, занятая вельмі, перажывае моцна. І я хаджу, унука катаю каля дому. Цяжкасьці заўжды ў жыцьці былі ў кожнага, перажывем і гэта".
Аксана Пачобут удзячная бацькам Андрэя. Дапамагае таксама Саюз палякаў, дзе муж узначальвае Галоўную раду. Яна кажа:
"Сапраўды, без Саюзу палякаў мне было б цяжка розныя тэхнічныя пытаньні вырашаць, кантактаваць з адвакатамі, вазіць яму перадачы, кантактаваць з газэтай Андрэя".
З мужам Аксана Пачобут не сустракалася з таго часу, як 14 чэрвеня пачаўся працэс. Вось што адказаў ёй судзьдзя Віталь Лецка:
"Я яшчэ раз да яго падыходзіла, але ён мне патлумачыў, што ня дасьць спатканьня, пакуль будзе ісьці працэс. А потым, калі будзе патрэба, можа, дасьць спатканьне, а можа, і не…"
Бацька журналіста Станіслаў Пачобут не хавае прадчуваньняў наконт заканчэньня працэсу над сынам:
"Заўтра ўсё, можа, і вырашыцца, зьявіцца яснасьць. Але мне ня верыцца, што нечага добрага можна чакаць. Трэба падрыхтавацца і да самага горшага — надоўга зачыняць".
Аксана Пачобут таксама думкамі — на судзе, куды яе не пускаюць, бо працэс закрыты:
"З другога боку, я ўжо думала над гэтай сытуацыяй, што пакуль канкрэтна
яму не абвясьцілі гэты прысуд, то застаецца надзея, што, можа, ня ўсё будзе так дрэнна, як Андрэй сам сабе прарочыў. Я разумею, што, калі абвесьцяць прысуд, скончыцца ўся мітусьня, і той спакой, які наступіць, якога я так хацела, магчыма, ён будзе для мяне нечаканы, зьявіцца шмат часу… Ня ведаю, як я буду яшчэ ставіцца да таго свайго новага становішча, калі я буду ўжо разумець, што Андрэя, верагодна, ня будзе некалькі гадоў. Таму цяжка сказаць, што я адчую, калі судзьдзя абвесьціць вырак".
Андрэй Пачобут — карэспандэнт польскай "Газэты выборчай". У аснове крымінальнай справы — публікацыі журналіста: восем з "Газэты выборчай" і дзьве з інтэрнэту — зь "Беларускага партызану" і з "Жывога журналу". Журналісту прад’яўлена абвінавачаньне па двух артыкулах Крымінальнага кодэксу РБ — 368 (частка 1) — "абраза" і 367 (частка 1) — "паклёп" у адносінах да прэзыдэнта. Па першым зь іх прадугледжана пакараньне да двух гадоў зьняволеньня, па другім — ад двух да чатырох гадоў.
Аксане Пачобут сёньня дапамагаюць найперш мужавы бацькі. Андрэеў бацька Станіслаў Пачобут згадвае, што калісьці працаваў у гарадзкой газэце на Сахаліне, ведае журналісцкі хлеб.
Пэнсія ў Станіслава Пачобута — 720 тысяч рублёў:
"Мы на зьмену з жонкай, праўда, жонка болей сядзіць з унукамі, таму што Аксана цяпер стамляецца, занятая вельмі, перажывае моцна. І я хаджу, унука катаю каля дому. Цяжкасьці заўжды ў жыцьці былі ў кожнага, перажывем і гэта".
Аксана Пачобут удзячная бацькам Андрэя. Дапамагае таксама Саюз палякаў, дзе муж узначальвае Галоўную раду. Яна кажа:
"Сапраўды, без Саюзу палякаў мне было б цяжка розныя тэхнічныя пытаньні вырашаць, кантактаваць з адвакатамі, вазіць яму перадачы, кантактаваць з газэтай Андрэя".
З мужам Аксана Пачобут не сустракалася з таго часу, як 14 чэрвеня пачаўся працэс. Вось што адказаў ёй судзьдзя Віталь Лецка:
"Я яшчэ раз да яго падыходзіла, але ён мне патлумачыў, што ня дасьць спатканьня, пакуль будзе ісьці працэс. А потым, калі будзе патрэба, можа, дасьць спатканьне, а можа, і не…"
Бацька журналіста Станіслаў Пачобут не хавае прадчуваньняў наконт заканчэньня працэсу над сынам:
"Заўтра ўсё, можа, і вырашыцца, зьявіцца яснасьць. Але мне ня верыцца, што нечага добрага можна чакаць. Трэба падрыхтавацца і да самага горшага — надоўга зачыняць".
Аксана Пачобут таксама думкамі — на судзе, куды яе не пускаюць, бо працэс закрыты:
"З другога боку, я ўжо думала над гэтай сытуацыяй, што пакуль канкрэтна
Можа, ня ўсё будзе так дрэнна, як Андрэй сам сабе прарочыў ...
яму не абвясьцілі гэты прысуд, то застаецца надзея, што, можа, ня ўсё будзе так дрэнна, як Андрэй сам сабе прарочыў. Я разумею, што, калі абвесьцяць прысуд, скончыцца ўся мітусьня, і той спакой, які наступіць, якога я так хацела, магчыма, ён будзе для мяне нечаканы, зьявіцца шмат часу… Ня ведаю, як я буду яшчэ ставіцца да таго свайго новага становішча, калі я буду ўжо разумець, што Андрэя, верагодна, ня будзе некалькі гадоў. Таму цяжка сказаць, што я адчую, калі судзьдзя абвесьціць вырак".
Андрэй Пачобут — карэспандэнт польскай "Газэты выборчай". У аснове крымінальнай справы — публікацыі журналіста: восем з "Газэты выборчай" і дзьве з інтэрнэту — зь "Беларускага партызану" і з "Жывога журналу". Журналісту прад’яўлена абвінавачаньне па двух артыкулах Крымінальнага кодэксу РБ — 368 (частка 1) — "абраза" і 367 (частка 1) — "паклёп" у адносінах да прэзыдэнта. Па першым зь іх прадугледжана пакараньне да двух гадоў зьняволеньня, па другім — ад двух да чатырох гадоў.
