Чарговы вязень у справе пра масавыя беспарадкі

Праваабарончы цэнтар «Вясна» паведамляе, што 15 сакавіка на працоўным месцы быў затрыманы Дзьмітрый Даронін.

28-гадовага менчука на трое сутак змясцілі ў ізалятар часовага ўтрыманьня на завулку Акрэсціна. Ён знаходзіцца ў статусе падазраванага паводле артыкулу 293 Крымінальнага кодэксу.

У кватэры, дзе Дзьмітрый пражывае з бацькамі, праведзены ператрус. Канфіскавалі сыстэмны блёк кампутара.