10 сакавіка Магілёўскі абласны суд не задаволіў касацыйнай скаргі трох удзельнікаў акцыі салідарнасьці. 8 лютага Ленінскі суд Магілёва прызнаў Валянціна Лабачова, Сяргея Нягаціна, Натальлю Шкадун вінаватымі ва ўдзеле ў несанкцыянаваным пікетаваньні.
Ад абласнога суду актывісты патрабавалі прызнаць вырак раённага суду незаконным і адмяніць яго. Судзьдзя Сяргей Каралёў, які разглядаў скаргу, не знайшоў падставаў, каб яе задаволіць. Паводле праваабаронцы Барыса Бухеля, які прысутнічаў на працэсе, судзьдзя заявіў, што права публічна выказваць свае меркаваньні і пазыцыю ў грамадзянаў ёсьць, аднак у выпадку з акцыяй салідарнасьці яе ўдзельнікі парушылі працэдуру атрыманьня дазволу на сваё мерапрыемства ад выканаўчай улады.
За акцыю салідарнасьці сябра Партыі БНФ і “Маладога фронту” Валянцін Лабачоў адседзеў сямёра сутак адміністрацыйнага арышту, пяцёра сутак за кратамі правёў фронтавец Сяргей Нягацін. Натальлі Шкадун Ленінскі суд вынес папярэджаньне.
Акцыя салідарнасьці адбылася ў Магілёве на пешаходнай вуліцы Ленінскай 16 студзеня. Дзевяцера ўдзельнікаў утварылі ланцуг, кожны зь іх трымаў у руках партрэты зьняволеных кандыдатаў у прэзыдэнты, а таксама актывістаў, якіх адразу пасьля выбараў 19 сьнежня арыштавалі. Удзельнікі акцыі таксама раздавалі мінакам газэтку “Ня бойцеся”, прысьвечаную падзеям 19 сьнежня.
Ад абласнога суду актывісты патрабавалі прызнаць вырак раённага суду незаконным і адмяніць яго. Судзьдзя Сяргей Каралёў, які разглядаў скаргу, не знайшоў падставаў, каб яе задаволіць. Паводле праваабаронцы Барыса Бухеля, які прысутнічаў на працэсе, судзьдзя заявіў, што права публічна выказваць свае меркаваньні і пазыцыю ў грамадзянаў ёсьць, аднак у выпадку з акцыяй салідарнасьці яе ўдзельнікі парушылі працэдуру атрыманьня дазволу на сваё мерапрыемства ад выканаўчай улады.
За акцыю салідарнасьці сябра Партыі БНФ і “Маладога фронту” Валянцін Лабачоў адседзеў сямёра сутак адміністрацыйнага арышту, пяцёра сутак за кратамі правёў фронтавец Сяргей Нягацін. Натальлі Шкадун Ленінскі суд вынес папярэджаньне.
Акцыя салідарнасьці адбылася ў Магілёве на пешаходнай вуліцы Ленінскай 16 студзеня. Дзевяцера ўдзельнікаў утварылі ланцуг, кожны зь іх трымаў у руках партрэты зьняволеных кандыдатаў у прэзыдэнты, а таксама актывістаў, якіх адразу пасьля выбараў 19 сьнежня арыштавалі. Удзельнікі акцыі таксама раздавалі мінакам газэтку “Ня бойцеся”, прысьвечаную падзеям 19 сьнежня.
