Ахвотных працаваць супольна более

Сёньня ў Менску прайшло паседжаньне Нацыянальнай каардынацыйнай рады дэмакратычнай апазыцыі.

Удзельнік сустрэчы, намесьнік старшыні Аб'яднанай грамадзянскай партыі Леў Марголін паведаміў "Свабодзе", што ахвотных працаваць разам зьбіраецца ўсё болей. Цяпер — ужо больш за 25 арганізацыяў. Разам з апазыцыйнымі палітычнымі партыямі агульнай справай займаюцца моладзевыя арганізацыі, прадстаўнікі чарнобыльцаў, аўганцаў, пэнсіянэраў.

Нацыянальная каардынацыйная рада дэмакратычнай апазыцыі, якую стварылі 9 студзеня, вызначыла шэсьць кірункаў, дзе можна супольна прыкласьці сілы:

• салідарнасьць
• аднаўленьне, стварэньне і разьвіцьцё інфраструктуры
• падрыхтоўка да выбараў у Палату прадстаўнікоў
• інфармацыйная кампанія
• масавыя мерапрыемствы
• праца з мэтавай аўдыторыяй

Сёньня былі абмеркаваныя першыя вынікі працы па кірунках. Цягам трох бліжэйшых дзён кожная з шасьці працоўных груп вызначыцца са сваімі прыярытэтамі.