Сёньня былога кандыдата ў прэзыдэнты Дзьмітрыя Вуса чарговы раз выклікаюць допыт ў КДБ. Пра гэта і пра сваё бачаньне сытуацыі ў Беларусі ён распавёў у жывым эфіры Радыё Свабода.
Соўсь: Як дзейнічаюць супрацоўнікі КДБ, якія мэтады яны выкарыстоўваюць?
Вус: У мяне бізнэс тут у Беларусі. Таму яны шантажуюць з пункту гледжаньня бізнэсу. Кажуць, што калі мяне пасадзяць у турму, то мой бізнэс разваліцца, што калі я выйду з турмы, у мяне ня будзе хлеба. Яны шантажуюць бізнэсам. Маўляў, закрыюць бізнэс, і ў мяне ня будзе магчымасьці жыць нармальна. У мяне маленькае дзіця, якое трэба выхоўваць і карміць. На гэта яны найбольш ціснуць.
Соўсь: І чаго яны патрабуюць?
Вус: Яны патрабуюць, каб я даў паказаньні супраць Статкевіча, што ён наўмысна рабіў гэтыя беспарадкі. Яны настойваюць, каб я ўзьвёў паклёп на Статкевіча. Мая пазыцыя такая, што была мірная акцыя. А беспарадкі былі справакаваныя супрацоўнікамі спэцслужбаў, і што ў мяне і ў Статкевіча ў думках не было займацца беспарадкамі, якія на сёньня яны інкрымінуюць нам, усім экс-кандыдатам на прэзыдэнта.
Я б хацеў распавесьці, што мяне найбольш хвалюе. У нас ў Беларусі сытуацыя наступная. У нас 2,5 млн. пэнсіянэраў і 3 млн. бюджэтнікаў. Каб гэтую колькасьць людзей пракарміць, трэба блізу 15 млрд. даляраў у год, каб утрымліваць гэтую сыстэму, каб кіраваць і маніпуляваць ёю. На сёньня ў Беларусі такіх грошай няма. Калі зараз прадаюць нафтапрадукты ў Эўропы, гэта няправільна. Трэба Эўропе зрабіць эканамічныя санкцыі на набыцьцё нафтапрадуктаў, каб гэты рэжым хутчэй абрынуўся. Калі гэтага не адбудзецца, то рэжым будзе трымацца вельмі доўга.
Соўсь: Калі будуць уведзеныя эканамічныя санкцыі, ці вызваляць палітвязьняў?
Вус: Усё залежыць ад Расеі. Калі Расея запатрабуе вызваліць, то Лукашэнка іх выпусьціць. Таму што ў яго ўжо выйсьця няма. Таму што ён практычна знаходзіцца ў руках Расеі. Ад расейскага кіраўніцтва залежыць лёс Лукашэнкі.
Соўсь: А вы не шкадуеце, што вырашылі пайсьці ў прэзыдэнты? Што даў вам гэты досьвед?
Вус: Мая задача была данесьці людзям, што ў нас адбываецца ў Рэспубліцы Беларусь. Гэта я зрабіў. Нават супрацоўнікі КДБ зьдзіўляюцца, калі я гэта кажу. Наша выбарчая сыстэма так збудаваная, што колькі ні галасуй, усё адно выберуць таго, каго трэба – па адміністратыўным рэсурсе. Мая асноўная задача – стварыць грамадзкае меркаваньне, каб бюлетэні лічылі, каб людзі былі абаронены законам.
Соўсь: Вы лічыце, што галоснасьць – лепшая абарона, калі выклікаюць на допыты ў КДБ. Што б вы параілі іншым падазраваным у справах аб беспарадках 19 сьнежна, якія маўчаць пра допыты ў КДБ. Ці варта гаварыць пра іх, як вы зрабілі?
Вус: Я за іншых не магу казаць, толькі за сябе. Гэта індывідуальна. Але магу сказаць, што трэба гаварыць праўду.
Слухаць гутарку цалкам:
Соўсь: Як дзейнічаюць супрацоўнікі КДБ, якія мэтады яны выкарыстоўваюць?
Вус: У мяне бізнэс тут у Беларусі. Таму яны шантажуюць з пункту гледжаньня бізнэсу. Кажуць, што калі мяне пасадзяць у турму, то мой бізнэс разваліцца, што калі я выйду з турмы, у мяне ня будзе хлеба. Яны шантажуюць бізнэсам. Маўляў, закрыюць бізнэс, і ў мяне ня будзе магчымасьці жыць нармальна. У мяне маленькае дзіця, якое трэба выхоўваць і карміць. На гэта яны найбольш ціснуць.
Соўсь: І чаго яны патрабуюць?
Вус: Яны патрабуюць, каб я даў паказаньні супраць Статкевіча, што ён наўмысна рабіў гэтыя беспарадкі. Яны настойваюць, каб я ўзьвёў паклёп на Статкевіча. Мая пазыцыя такая, што была мірная акцыя. А беспарадкі былі справакаваныя супрацоўнікамі спэцслужбаў, і што ў мяне і ў Статкевіча ў думках не было займацца беспарадкамі, якія на сёньня яны інкрымінуюць нам, усім экс-кандыдатам на прэзыдэнта.
Я б хацеў распавесьці, што мяне найбольш хвалюе. У нас ў Беларусі сытуацыя наступная. У нас 2,5 млн. пэнсіянэраў і 3 млн. бюджэтнікаў. Каб гэтую колькасьць людзей пракарміць, трэба блізу 15 млрд. даляраў у год, каб утрымліваць гэтую сыстэму, каб кіраваць і маніпуляваць ёю. На сёньня ў Беларусі такіх грошай няма. Калі зараз прадаюць нафтапрадукты ў Эўропы, гэта няправільна. Трэба Эўропе зрабіць эканамічныя санкцыі на набыцьцё нафтапрадуктаў, каб гэты рэжым хутчэй абрынуўся. Калі гэтага не адбудзецца, то рэжым будзе трымацца вельмі доўга.
Соўсь: Калі будуць уведзеныя эканамічныя санкцыі, ці вызваляць палітвязьняў?
Вус: Усё залежыць ад Расеі. Калі Расея запатрабуе вызваліць, то Лукашэнка іх выпусьціць. Таму што ў яго ўжо выйсьця няма. Таму што ён практычна знаходзіцца ў руках Расеі. Ад расейскага кіраўніцтва залежыць лёс Лукашэнкі.
Соўсь: А вы не шкадуеце, што вырашылі пайсьці ў прэзыдэнты? Што даў вам гэты досьвед?
Вус: Мая задача была данесьці людзям, што ў нас адбываецца ў Рэспубліцы Беларусь. Гэта я зрабіў. Нават супрацоўнікі КДБ зьдзіўляюцца, калі я гэта кажу. Наша выбарчая сыстэма так збудаваная, што колькі ні галасуй, усё адно выберуць таго, каго трэба – па адміністратыўным рэсурсе. Мая асноўная задача – стварыць грамадзкае меркаваньне, каб бюлетэні лічылі, каб людзі былі абаронены законам.
Соўсь: Вы лічыце, што галоснасьць – лепшая абарона, калі выклікаюць на допыты ў КДБ. Што б вы параілі іншым падазраваным у справах аб беспарадках 19 сьнежна, якія маўчаць пра допыты ў КДБ. Ці варта гаварыць пра іх, як вы зрабілі?
Вус: Я за іншых не магу казаць, толькі за сябе. Гэта індывідуальна. Але магу сказаць, што трэба гаварыць праўду.
Слухаць гутарку цалкам:
