Палітвязьні сярод намінантаў на прэмію "Люблю Беларусь"

12 лютага незарэгістраваная арганізацыя "Малады фронт" уручыць свае прэміі "Люблю Беларусь".

Сярод іншых на прэміі сёлета прэтэндуюць:

• палітык Мікола Статкевіч;
• маладафронтаўка Наста Палажанка;
• журналісткі Ірына Халіп, Марына Коктыш, Натальля Радзіна і Сьвятлана Калінкіна;
• паэт і кандыдат на прэзыдэнта Уладзімер Някляеў;
• швэдзкая журналістка Марыя Соўдэрбэрг.

"Малады фронт" абвесьціць пераможцаў у намінацыях:

• "Беларусізацыя"
• "Палітыка"
• "Культура"
• "Спорт"
• "Pro-Belarus"
• "Журналістыка"
• "Грамадзкая чыннасьць"
• "Змагар году"

Прэмія "Люблю Беларусь" заснаваная "Маладым фронтам" у 2010 годзе. "Ідэя прэміі — паспрабаваць сабраць у адной залі тых, чыю дзейнасьць у розных сфэрах грамадзкага жыцьця, можна ёміста акрэсьліць кароткім выразам "Люблю Беларусь", — гаворыцца ў паведамленьні прэсавай службы "Маладога фронту".