"Эўранэст" гатовы пачаць працу без Беларусі

Прэзыдыюм Парлямэнцкай асамблеі праграмы Эўразьвязу "Ўсходняе партнэрства" ("Эўранэст") прыняў рашэньне пачаць працу "Эўранэсту" без прадстаўнікоў Беларусі.

Пра гэта са спасылкай на Польскае прэсавае агенцтва паведамляе “Эўрарадыё”.

Польскі эўрадэпутат Яцэк Пратасевіч заявіў:

“Паводле яго словаў, канчатковае рашэньне — за Канфэрэнцыяй кіраўнікоў палітычных груп Эўрапарлямэнту. Калі Канфэрэнцыя зацьвердзіць рашэньне Прэзыдыюму, то першае пасяджэньне "Эўранэсту" адбудзецца ўжо ў лютым-сакавіку. Без Беларусі”.