Пракуратура Менскай вобласьці скончыла праверку акалічнасьцяў сьмерці журналіста Алега Бябеніна. Паводле пракуратуры прычынай сьмерці стала самагубства. Ці магчыма, што да гэтай гісторыі сьледзтва яшчэ вернецца?
У пракуратуры Менскай вобласьці адмовіліся заводзіць крымінальную справу па факце сьмерці заснавальніка сайту «Хартыя-97» журналіста Алега Бябеніна, спаслаўшыся на дадзеныя праверкі. Тая прыйшла да высновы пра самагубства журналіста. Таксама, маўляў, адсутнічаюць скаргі з боку яго сваякоў. У рэспубліканскай пракуратуры згодныя з тым, што журналіст Алег Бябенін пайшоў з жыцьця ў выніку самагубства.
«Праверка закончылася пастановай аб адмове ў завядзеньні крымінальнай справы. Канчатковая выснова — гэта самагубства», — казаў прэсавы сакратар пракуратуры краіны Пётар Кісялёў.
Заснавальнік сайту «Хартыя-97» Алег Бябенін быў знойдзены ў пятлі ўвечары 3 верасьня на сваім лецішчы пад Менскам.
Два незалежныя судова-мэдычныя экспэрты АБСЭ, якія дасьледавалі справу сьмерці Бябеніна, сьцьвердзілі, што прычынай ягонай сьмерці было самагубства праз павешаньне.
Мандат, які атрымалі экспэрты на працу ў Беларусі, не дазваляў ім правесьці асобнае расьсьледаваньне, а толькі праверыць і ацаніць матэрыялы расьсьледаваньня, праведзенага беларускім бокам.
У пракуратуры Менскай вобласьці паведамілі, што невядомымі засталіся прычыны ўчынку Алега Бябеніна. Аднак сваякі журналіста пагадзіліся з высновамі праверкі, таму справу вырашана закрыць.
У адрозьненьне ад сваякоў сябры Алега Бябеніна з «Хартыі-97» ад пачатку не пагаджаліся з тым, што вэрсія пра самагубства журналіста — асноўная. Зь іх боку шмат казалася пра тое, што Алег Бябенін мусіў узначаліць выбарчы штаб Андрэя Саньнікава, а таксама пра шэраг дэталяў, якія маглі паказваць на гвалтоўную сьмерць Бябеніна.
Прыкладам, у ранейшых інтэрвію Зьміцер Бандарэнка згадваў пра вывернутую нагу памерлага, што на ягоную думку, супярэчыла абставінам самагубства:
«Галенастоп правай нагі быў ці то зламаны, ці моцна вывіхнуты. І калі задалі пытаньне пра гэта намесьніку раённага пракурора, той выказаў меркаваньне, што Алег скокнуў з зэдліка і пашкодзіў сабе нагу. І тады намесьнік пракурора выказаў меркаваньне, што «хутчэй за ўсё, будуць пашкоджаныя шыйныя пазванкі».
Гэта Зьміцер Бандарэнка распавядаў «Свабодзе» 7 верасьня. Пазьней высьветлілася, што пашкоджаньняў шыйных пазванкоў у Бябеніна не было і ўвогуле экспэрты вырашылі, што памёр журналіст не 3-га, а 2 верасьня, а вывернутая нага — гэта проста вынік пасьлясьмяротнага здранцьвеньня цела.
Зьміцер Бандарэнка, як і іншыя сябры Бябеніна з «Эўрапейскай Беларусі», з гэтым былі ня згодныя і да апошняга настойвалі на праверцы вэрсіі пра забойства журналіста. Сёньня Зьміцер Бандарэнка як лідэр «Эўрапейскай Беларусі», Андрэй Саньнікаў і рэдактар сайту «Хартыя-97» Натальля Радзіна знаходзяцца за кратамі паводле справы аб падзеях 19 сьнежня і таму ня могуць аспрэчыць вынікі пракурорскай праверкі і адстойваць у пракуратуры сваю вэрсію.
Паводле праваабаронца Алега Воўчака праверку справы Алега Бябеніна аказалася зручна згарнуць ва ўмовах, калі няма каму аспрэчыць афіцыйныя вынікі:
«Палова пытаньняў засталіся нявысьветленымі. Ня дзіва, бо палова ягоных сяброў зараз за картамі ў ізалятары КДБ. Аказалася, што няма каму задаваць цяжкія для пракуратуры пытаньні, вось у чым праблема».
Сваякі Алега Бябеніна па-ранейшаму ад камэнтароў адносна справы адмаўляюцца.
У пракуратуры Менскай вобласьці адмовіліся заводзіць крымінальную справу па факце сьмерці заснавальніка сайту «Хартыя-97» журналіста Алега Бябеніна, спаслаўшыся на дадзеныя праверкі. Тая прыйшла да высновы пра самагубства журналіста. Таксама, маўляў, адсутнічаюць скаргі з боку яго сваякоў. У рэспубліканскай пракуратуры згодныя з тым, што журналіст Алег Бябенін пайшоў з жыцьця ў выніку самагубства.
«Праверка закончылася пастановай аб адмове ў завядзеньні крымінальнай справы. Канчатковая выснова — гэта самагубства», — казаў прэсавы сакратар пракуратуры краіны Пётар Кісялёў.
Канчатковая выснова — гэта самагубства.
Заснавальнік сайту «Хартыя-97» Алег Бябенін быў знойдзены ў пятлі ўвечары 3 верасьня на сваім лецішчы пад Менскам.
Два незалежныя судова-мэдычныя экспэрты АБСЭ, якія дасьледавалі справу сьмерці Бябеніна, сьцьвердзілі, што прычынай ягонай сьмерці было самагубства праз павешаньне.
Мандат, які атрымалі экспэрты на працу ў Беларусі, не дазваляў ім правесьці асобнае расьсьледаваньне, а толькі праверыць і ацаніць матэрыялы расьсьледаваньня, праведзенага беларускім бокам.
У пракуратуры Менскай вобласьці паведамілі, што невядомымі засталіся прычыны ўчынку Алега Бябеніна. Аднак сваякі журналіста пагадзіліся з высновамі праверкі, таму справу вырашана закрыць.
У адрозьненьне ад сваякоў сябры Алега Бябеніна з «Хартыі-97» ад пачатку не пагаджаліся з тым, што вэрсія пра самагубства журналіста — асноўная. Зь іх боку шмат казалася пра тое, што Алег Бябенін мусіў узначаліць выбарчы штаб Андрэя Саньнікава, а таксама пра шэраг дэталяў, якія маглі паказваць на гвалтоўную сьмерць Бябеніна.
Прыкладам, у ранейшых інтэрвію Зьміцер Бандарэнка згадваў пра вывернутую нагу памерлага, што на ягоную думку, супярэчыла абставінам самагубства:
«Галенастоп правай нагі быў ці то зламаны, ці моцна вывіхнуты. І калі задалі пытаньне пра гэта намесьніку раённага пракурора, той выказаў меркаваньне, што Алег скокнуў з зэдліка і пашкодзіў сабе нагу. І тады намесьнік пракурора выказаў меркаваньне, што «хутчэй за ўсё, будуць пашкоджаныя шыйныя пазванкі».
Гэта Зьміцер Бандарэнка распавядаў «Свабодзе» 7 верасьня. Пазьней высьветлілася, што пашкоджаньняў шыйных пазванкоў у Бябеніна не было і ўвогуле экспэрты вырашылі, што памёр журналіст не 3-га, а 2 верасьня, а вывернутая нага — гэта проста вынік пасьлясьмяротнага здранцьвеньня цела.
Паводле праваабаронца Алега Воўчака праверку справы Алега Бябеніна аказалася зручна згарнуць ва ўмовах, калі няма каму аспрэчыць афіцыйныя вынікі:
«Палова пытаньняў засталіся нявысьветленымі. Ня дзіва, бо палова ягоных сяброў зараз за картамі ў ізалятары КДБ. Аказалася, што няма каму задаваць цяжкія для пракуратуры пытаньні, вось у чым праблема».
Сваякі Алега Бябеніна па-ранейшаму ад камэнтароў адносна справы адмаўляюцца.
