Кандыдату ў прэзыдэнты Ўладзімеру Някляеву адмовілі ў правядзеньні сустрэчы з выбарцамі ў Берасьцейскім дзяржаўным унівэрсытэце імя Пушкіна.
Мікалай Коўш, як давераная асоба кандыдата, зьвярнуўся з пісьмовай заявай да рэктара ўнівэрсытэту з просьбай выдзеліць памяшканьне і аказаць садзейнічаньне ў правядзеньні 10 сьнежня сустрэчы Някляева з выкладчыкамі і студэнтамі, перадае БелаПАН.
Аднак 4 сьнежня спадар Коўш атрымаў адказ, што ў правядзеньні мерапрыемства адмоўлена нібыта з-за напружанага навучальнага працэсу, перагружанасьці навучальных плошчаў і рамонту.
"Я лічу, што прычыны надуманыя. У гэтым унівэрсытэце 1 сьнежня, як паведамлялі мясцовыя СМІ, адбылася сустрэча старшыні Берасьцейскага аблвыканкама з выкладчыкамі і студэнтамі. Таму расцэньваю гэтую адмову як перашкоду ў вядзеньні агітацыйнай кампаніі нязручнаму для ўладаў кандыдату на пасаду кіраўніка дзяржавы", – сказаў спадар Коўш.
Ён мае намер зьвярнуцца з адпаведнымі заявамі ў раённую і абласную выбарчыя камісіі.
Мікалай Коўш, як давераная асоба кандыдата, зьвярнуўся з пісьмовай заявай да рэктара ўнівэрсытэту з просьбай выдзеліць памяшканьне і аказаць садзейнічаньне ў правядзеньні 10 сьнежня сустрэчы Някляева з выкладчыкамі і студэнтамі, перадае БелаПАН.
Аднак 4 сьнежня спадар Коўш атрымаў адказ, што ў правядзеньні мерапрыемства адмоўлена нібыта з-за напружанага навучальнага працэсу, перагружанасьці навучальных плошчаў і рамонту.
"Я лічу, што прычыны надуманыя. У гэтым унівэрсытэце 1 сьнежня, як паведамлялі мясцовыя СМІ, адбылася сустрэча старшыні Берасьцейскага аблвыканкама з выкладчыкамі і студэнтамі. Таму расцэньваю гэтую адмову як перашкоду ў вядзеньні агітацыйнай кампаніі нязручнаму для ўладаў кандыдату на пасаду кіраўніка дзяржавы", – сказаў спадар Коўш.
Ён мае намер зьвярнуцца з адпаведнымі заявамі ў раённую і абласную выбарчыя камісіі.
