Ад сёньняшняга дня кандыдаты на выбарах прэзыдэнта пачынаюць агітацыю. На тое, каб пераканаць выбарцаў, у іх ёсьць роўна месяц — да 19 сьнежня, калі адбудзецца галасаваньне. Усяго ў выбарах прымае ўдзел 10 кандыдатаў, уключна зь дзейным кіраўніком краіны Аляксандрам Лукашэнкам.
Выбарчы штаб кандыдата ад Аб'яднанай грамадзянскай партыі Яраслава Раманчука ўжо падрыхтаваў і перадаў аркушы на рэзэрваваньне заяў на сустрэчы з выбарцамі. Адначасова актывісты штабу зьвярнуліся ў банк з заяўкай на адкрыцьцё рахунку для перадвыбарчых ахвяраваньняў і ў друкарні — з замовамі на публікацыю загадзя падрыхтаваных улётак.
Сам спадар Раманчук у бліжэйшую суботу ідзе рабіць запіс на радыё, а ў панядзелак у яго будуць першыя перадвыбарчыя сустрэчы ў рэгіёнах.
Перадвыбарчы тур Раманчука называецца "Мільён поціскаў рук":
"Мы пачынаем зь Берасьцейшчыны, зь мяжы з Захадам, і будзем вось такой "стрэлкай" ехаць наверх, на поўнач, у Віцебскую вобласьць, да Верхнядзьвінска. Гэта будзе такая сымбалічная стрэлка, якая будзе паказваць, што мы зьбіраемся рабіць у нашай краіне, а мы хочам перш за ўсё зьліквідаваць усе межы, каб Захад прыйшоў да Беларусі. Гэта такі сымбаль. Будзем наведваць ня толькі ўсе абласныя цэнтры, але ўсе гарады, у якіх пражывае больш за 50 тысяч людзей, каб максымальна актыўна выкарыстоўваць кожны дзень".
Алесь Міхалевіч гэтымі днямі ў першую чаргу вырашае арганізацыйныя праблемы:
"Я зараз займаюся пэўнымі тэхнічнымі пытаньнямі, друк матэрыялаў, адладжваньне сеткі іх распаўсюду, і гэтым зьбіраюся займацца бліжэйшым часам. Спадзяюся, што хутка зьявяцца агітацыйныя тумбы для выбарчай інфармацыі, якія я змагу абвесіць сваімі плякатамі. Плюс да гэтага я перакройваю свой выбарчы графік, таму што сёньня было сказана, калі запіс на тэлебачаньні, калі дэбаты. Адпаведна гэтыя дні выпадаюць з маіх паездак па рэгіёнах".
Першая паездка ў рэгіёны ў Алеся Міхалевіча чакаецца ў панядзелак ці аўторак.
Кандыдат ад БНФ Рыгор Кастусёў у першую чаргу зьбіраецца ўзгадніць пляны выбарчай кампаніі з аднапартыйцамі: у пятніцу пройдзе паседжаньне Ўправы, у суботу — Сойму Партыі БНФ.
"У нас ужо ўзоры плякатаў і ўлётак распрацаваныя. Мая ж задача як найбольш, максымальна арганізаваць сустрэчы з жыхарамі розных гарадоў, населеных пунктаў нашай краіны. Сустрэчы, сустрэчы, яшчэ раз сустрэчы".
Рыгор Кастусёў кажа, што ён зацікаўлены ў тым, каб сустракацца з выбаршчыкамі і разам зь іншымі кандыдатамі, у тым ліку і Аляксандрам Лукашэнкам.
Выбарчы штаб кандыдата ад Аб'яднанай грамадзянскай партыі Яраслава Раманчука ўжо падрыхтаваў і перадаў аркушы на рэзэрваваньне заяў на сустрэчы з выбарцамі. Адначасова актывісты штабу зьвярнуліся ў банк з заяўкай на адкрыцьцё рахунку для перадвыбарчых ахвяраваньняў і ў друкарні — з замовамі на публікацыю загадзя падрыхтаваных улётак.
Перадвыбарчы тур Раманчука называецца "Мільён поціскаў рук":
"Мы пачынаем зь Берасьцейшчыны, зь мяжы з Захадам, і будзем вось такой "стрэлкай" ехаць наверх, на поўнач, у Віцебскую вобласьць, да Верхнядзьвінска. Гэта будзе такая сымбалічная стрэлка, якая будзе паказваць, што мы зьбіраемся рабіць у нашай краіне, а мы хочам перш за ўсё зьліквідаваць усе межы, каб Захад прыйшоў да Беларусі. Гэта такі сымбаль. Будзем наведваць ня толькі ўсе абласныя цэнтры, але ўсе гарады, у якіх пражывае больш за 50 тысяч людзей, каб максымальна актыўна выкарыстоўваць кожны дзень".
"Я зараз займаюся пэўнымі тэхнічнымі пытаньнямі, друк матэрыялаў, адладжваньне сеткі іх распаўсюду, і гэтым зьбіраюся займацца бліжэйшым часам. Спадзяюся, што хутка зьявяцца агітацыйныя тумбы для выбарчай інфармацыі, якія я змагу абвесіць сваімі плякатамі. Плюс да гэтага я перакройваю свой выбарчы графік, таму што сёньня было сказана, калі запіс на тэлебачаньні, калі дэбаты. Адпаведна гэтыя дні выпадаюць з маіх паездак па рэгіёнах".
Першая паездка ў рэгіёны ў Алеся Міхалевіча чакаецца ў панядзелак ці аўторак.
Кандыдат ад БНФ Рыгор Кастусёў у першую чаргу зьбіраецца ўзгадніць пляны выбарчай кампаніі з аднапартыйцамі: у пятніцу пройдзе паседжаньне Ўправы, у суботу — Сойму Партыі БНФ.
Рыгор Кастусёў кажа, што ён зацікаўлены ў тым, каб сустракацца з выбаршчыкамі і разам зь іншымі кандыдатамі, у тым ліку і Аляксандрам Лукашэнкам.
