17 лістапада ў Міжнародны дзень студэнтаў у Полацку адкрылі помнік сярэднявечнаму шкаляру.
Скульптуру вышынёй амаль два мэтры ўсталявалі каля будынка былога кадэцкага корпусу, дзе цяпер месьціцца факультэт інфармацыйных тэхналёгіяў Полацкага дзяржаўнага ўнівэрсытэту.
Менскі скульптар Аляксандар Прохараў увасобіў у бронзе зборны вобраз студэнта Сярэднявечча: на галаве — трохкутная шапка, у руках — кнігі, пяро і скрутак, на якім выява сучаснага гербу Полацкага ўнівэрсытэту.
Гэтым помнікам Полацкі ўнівэрсытэт ушаноўвае памяць пра Полацкі езуіцкі калегіюм — першую на тэрыторыі Беларусі вышэйшую навучальную ўстанову. Яе заснаваў у 1581 годзе польскі кароль і вялікі князь літоўскі Стэфан Баторы.
Скульптуру вышынёй амаль два мэтры ўсталявалі каля будынка былога кадэцкага корпусу, дзе цяпер месьціцца факультэт інфармацыйных тэхналёгіяў Полацкага дзяржаўнага ўнівэрсытэту.
Менскі скульптар Аляксандар Прохараў увасобіў у бронзе зборны вобраз студэнта Сярэднявечча: на галаве — трохкутная шапка, у руках — кнігі, пяро і скрутак, на якім выява сучаснага гербу Полацкага ўнівэрсытэту.
Гэтым помнікам Полацкі ўнівэрсытэт ушаноўвае памяць пра Полацкі езуіцкі калегіюм — першую на тэрыторыі Беларусі вышэйшую навучальную ўстанову. Яе заснаваў у 1581 годзе польскі кароль і вялікі князь літоўскі Стэфан Баторы.
