Сёньня Калінкавіцкая раённая камісія па выбарах прэзыдэнта прызнала несапраўднымі ўсе подпісы, сабраныя ў раёне за Віталя Рымашэўскага й Віктара Цярэшчанку.
Прысутны на паседжаньні камісіі назіральнік Дзяніс Рабянок распавёў:
“Мяне ўразіла, што ў камісіі было шмат заяваў ад выбарцаў, якія сьцьвярджалі, што не падпісваліся за Рымашэўскага й Цярэшчанку. Напрыклад, за Віктара Цярэшчанку ініцыятыўная група падала ў раённую камісію 422 подпісы. Напачатку камісія праверыла 84 подпісы, альбо 20 адсоткаў. 82 подпісы прызнаны несапраўднымі. Дадаткова праверылі яшчэ 63 подпісы – і яны прызнаны несапраўднымі. Таму камісія забракавала ўсе подпісы за Цярэшчанку”.
Паводле назіральніка, за Віталя Рымашэўскага сябры ягонай ініцыятыўнай групы падалі ў выбарчую камісію 652 подпісы. У выніку асноўнай і дадатковай праверак 228 подпісаў прызнаны несапраўднымі. Гэта дало падставу камісіі забракаваць усе подпісы за Рымашэўскага.
Правярала раённая камісія й пададзеныя подпісы за Аляксандра Лукашэнку. “Несапраўдных ня выяўлена”, - канстатавала камісія.
З правераных подпісаў за Ўладзімера Някляева Калінкавіцкая раённая камісія прызнала толькі 7 несапраўднымі. Таму ў ягоны актыў запісаны ўсе астатнія 647 подпісаў калінкавіцкіх выбарцаў.
Прысутны на паседжаньні камісіі назіральнік Дзяніс Рабянок распавёў:
“Мяне ўразіла, што ў камісіі было шмат заяваў ад выбарцаў, якія сьцьвярджалі, што не падпісваліся за Рымашэўскага й Цярэшчанку. Напрыклад, за Віктара Цярэшчанку ініцыятыўная група падала ў раённую камісію 422 подпісы. Напачатку камісія праверыла 84 подпісы, альбо 20 адсоткаў. 82 подпісы прызнаны несапраўднымі. Дадаткова праверылі яшчэ 63 подпісы – і яны прызнаны несапраўднымі. Таму камісія забракавала ўсе подпісы за Цярэшчанку”.
Паводле назіральніка, за Віталя Рымашэўскага сябры ягонай ініцыятыўнай групы падалі ў выбарчую камісію 652 подпісы. У выніку асноўнай і дадатковай праверак 228 подпісаў прызнаны несапраўднымі. Гэта дало падставу камісіі забракаваць усе подпісы за Рымашэўскага.
Правярала раённая камісія й пададзеныя подпісы за Аляксандра Лукашэнку. “Несапраўдных ня выяўлена”, - канстатавала камісія.
З правераных подпісаў за Ўладзімера Някляева Калінкавіцкая раённая камісія прызнала толькі 7 несапраўднымі. Таму ў ягоны актыў запісаны ўсе астатнія 647 подпісаў калінкавіцкіх выбарцаў.
