Рада Эўразьвязу працягнула санкцыі адносна высокапастаўленых чыноўнікаў Беларусі да 31 кастрычніка 2011 году. Адначасова на такі ж пэрыяд Рада ЭЗ працягнула і мараторый на прымяненьне гэтых санкцый.
У сьпіс тых, каму забаронены ўезд на тэрыторыю Эўразьвязу, увайшла 41 асоба на чале з кіраўніком Беларусі Аляксандрам Лукашэнкам. Разам з тым адносна 36 асобаў з гэтага сьпісу ўведзены мараторый на прымяненьне візавых санкцый. Пад дзеяньне мараторыя не трапляюць пяць чалавек: былы камандзір брыгады спэцназу ўнутраных войскаў МУС Дзьмітрый Паўлічэнка, два былыя міністры ўнутраных спраў Юры Сівакоў і Ўладзімер Навумаў, былы генэральны пракурор Віктар Шэйман і кіраўнік ЦВК Лідзія Ярмошына.
Лідзія Ярмошына
Камэнтуючы рашэньне Рады міністраў Эўразьвязу, старшыня ЦВК Лідзія Ярмошына, якая фігуруе ў гэтым сьпісе з 2004 году, адзначыла:
«Гэта звычайная, што называецца, упартасьць, прынятая аднойчы пазыцыя, якую ня хочуць пераглядаць, ды і ўсё. Я ўжо даўно нічога не чакаю. Таму не адчуваю ні зачараваньня, ні расчараваньня. Нічога не адчуваю. Лічыце, поўнасьцю індыфэрэнтная да гэтай сытуацыі».
Андрэй Савіных
Прэс-сакратар Міністэрства замежных спраў Беларусі Андрэй Савіных заявіў, што беларускі бок прыняў да ведама заключэньне Рады міністраў замежных спраў краін Эўразьвязу:
«Вядома, выклікае шкадаваньне тая акалічнасьць, што Рада ЭЗ не змагла пераадолець інэрцыйную лёгіку санкцыйнага мысьленьня. Мы неаднаразова падкрэсьлівалі, што палітыка абмежаваньня — гэта тупіковы шлях у беларуска-эўрапейскіх дачыненьнях. Тым ня менш мы вітаем, выкладзены ў заключэньні, намер ЭЗ працягнуць разьвіцьцё ўзаемадзеяньня зь Беларусьсю, уключна з кантактамі на высокім палітычным узроўні. Беларусь таксама імкнецца да пашырэньня ўзаемапаважлівага, раўнапраўнага і партнэрскага дыялёгу з ЭЗ і яго краінамі-ўдзельніцамі».
Аляксей Янукевіч
Старшыня Партыі БНФ Аляксей Янукевіч адзначыў, што гэта тое рашэньне, якое раілі прадстаўнікі дэмсілаў Беларусі падчас сустрэчаў з эўрапейцамі:
«Яно вельмі слушнае. З аднаго боку, санкцыі прысутнічаюць, зь іншага боку, яны замарожаныя. І гэта, безумоўна, пакідае пэўны рычаг для ўзьдзеяньня на беларускія ўлады для таго, каб прэзыдэнцкія выбары былі праведзеныя свабодна. Гэта рашэньне даволі чаканае. І канчатковае рашэньне пра санкцыі можна будзе прымаць, безумоўна, па выніках таго, як беларускія ўлады правядуць гэтыя выбары».
У сьпіс тых, каму забаронены ўезд на тэрыторыю Эўразьвязу, увайшла 41 асоба на чале з кіраўніком Беларусі Аляксандрам Лукашэнкам. Разам з тым адносна 36 асобаў з гэтага сьпісу ўведзены мараторый на прымяненьне візавых санкцый. Пад дзеяньне мараторыя не трапляюць пяць чалавек: былы камандзір брыгады спэцназу ўнутраных войскаў МУС Дзьмітрый Паўлічэнка, два былыя міністры ўнутраных спраў Юры Сівакоў і Ўладзімер Навумаў, былы генэральны пракурор Віктар Шэйман і кіраўнік ЦВК Лідзія Ярмошына.
«Гэта звычайная, што называецца, упартасьць, прынятая аднойчы пазыцыя, якую ня хочуць пераглядаць, ды і ўсё. Я ўжо даўно нічога не чакаю. Таму не адчуваю ні зачараваньня, ні расчараваньня. Нічога не адчуваю. Лічыце, поўнасьцю індыфэрэнтная да гэтай сытуацыі».
«Вядома, выклікае шкадаваньне тая акалічнасьць, што Рада ЭЗ не змагла пераадолець інэрцыйную лёгіку санкцыйнага мысьленьня. Мы неаднаразова падкрэсьлівалі, што палітыка абмежаваньня — гэта тупіковы шлях у беларуска-эўрапейскіх дачыненьнях. Тым ня менш мы вітаем, выкладзены ў заключэньні, намер ЭЗ працягнуць разьвіцьцё ўзаемадзеяньня зь Беларусьсю, уключна з кантактамі на высокім палітычным узроўні. Беларусь таксама імкнецца да пашырэньня ўзаемапаважлівага, раўнапраўнага і партнэрскага дыялёгу з ЭЗ і яго краінамі-ўдзельніцамі».
«Яно вельмі слушнае. З аднаго боку, санкцыі прысутнічаюць, зь іншага боку, яны замарожаныя. І гэта, безумоўна, пакідае пэўны рычаг для ўзьдзеяньня на беларускія ўлады для таго, каб прэзыдэнцкія выбары былі праведзеныя свабодна. Гэта рашэньне даволі чаканае. І канчатковае рашэньне пра санкцыі можна будзе прымаць, безумоўна, па выніках таго, як беларускія ўлады правядуць гэтыя выбары».
