Сябры ініцыятыўнай групы Ўладзімера Някляева пачалі збор подпісаў сярод беларусаў у сталіцах суседніх краінаў. Месцам збору подпісаў абраныя вакзалы, адкуль адыходзяць цягнікі на Менск.
Максім Арцем’еў прыехаў у Маскву з Гомельскай вобласьці. Юнак працуе ў сталіцы Расеі, але не забываецца на падзеі на радзіме і па прапанове сяброў далучыўся да ініцыятыўнай групы па зборы подпісаў за паэта Ўладзімера Някляева.
Максім праз інтэрнэт зьвярнуўся да суайчыньнікаў, якія жывуць у Маскве з прапановай падпісацца за Някляева. Актыўнасьць землякоў прыемна зьдзівіла. Аказалася, за Някляева шмат хто жадае падпісацца і будзе галасаваць за яго на выбарах. Сустрэчу для збору подпісаў Максім прызначыў на Беларускім вакзале. Таксама Максім зь сябрамі заклікаюць падпісацца пасажыраў цягнікоў, якія прыходзяць зь Менску ці адпраўляюцца ў Беларусь. Якія настроі выбарцаў зь Беларусі адзначае Максім Арцем’еў?
«Нельга сказаць, што ўсе хочуць падпісацца толькі за Някляева. Гаворка пра тое, што людзі хочуць пераменаў, каб зьмяніўся прэзыдэнт. Але ёсьць і ярыя прыхільнікі Лукашэнкі, у тым ліку і тыя, хто тут жыве. Я зь імі кантактаваў і зьдзіўляюся, чаму так. Бо людзі ж жывуць з таго, што тут працуюць, хаця маглі б жыць і працаваць на радзіме».
Ці не замінаюць зьбіраць подпісы на вакзале маскоўскія міліцыянты? Максім Арцем’еў кажа, што такіх праблем пакуль не было. У зборшчыкаў ёсьць пасьведчаньні сябраў ініцыятыўнай групы Ўладзімера Някляева, якія яны пры выпадку пакажуць міліцыянтам.
«Калі запытаюцца, то пакажам пасьведчаньні. Будуць супраць, тады сыдзем. Міліцыі баяцца — дык няма чаго і пачынаць такія справы».
У гэты час у Варшаве на вакзале таксама ў камізэльках з надпісам «За Някляева» дзяжураць тры актывісты. Сярод іх — Васіль Лепеш, зь якім я зьвязаўся па тэлефоне. Васіль сказаў:
«Акцыя гэта больш дэманстрацыйная, каб паказаць, што тут таксама ёсьць беларуская актыўная моладзь. Ва ўсіх тут свае справы і турботы, але мы хочам гэтым паказаць, што не забываемся пра Беларусь і падтрымліваем беларусаў у Беларусі».
У Кіеве на вакзале плянавала зьбіраць подпісы за Някляева актывістка Марта зь сябрамі, але зьвязацца зь дзяўчынай не ўдалося. «Зараз абанэнт ня можа прыняць ваш званок», — адказаў па-ўкраінску голас у тэлефоне.
Максім Арцем’еў прыехаў у Маскву з Гомельскай вобласьці. Юнак працуе ў сталіцы Расеі, але не забываецца на падзеі на радзіме і па прапанове сяброў далучыўся да ініцыятыўнай групы па зборы подпісаў за паэта Ўладзімера Някляева.
Максім праз інтэрнэт зьвярнуўся да суайчыньнікаў, якія жывуць у Маскве з прапановай падпісацца за Някляева. Актыўнасьць землякоў прыемна зьдзівіла. Аказалася, за Някляева шмат хто жадае падпісацца і будзе галасаваць за яго на выбарах. Сустрэчу для збору подпісаў Максім прызначыў на Беларускім вакзале. Таксама Максім зь сябрамі заклікаюць падпісацца пасажыраў цягнікоў, якія прыходзяць зь Менску ці адпраўляюцца ў Беларусь. Якія настроі выбарцаў зь Беларусі адзначае Максім Арцем’еў?
Нельга сказаць, што ўсе хочуць падпісацца толькі за Някляева. Гаворка пра тое, што людзі хочуць пераменаў…
Ці не замінаюць зьбіраць подпісы на вакзале маскоўскія міліцыянты? Максім Арцем’еў кажа, што такіх праблем пакуль не было. У зборшчыкаў ёсьць пасьведчаньні сябраў ініцыятыўнай групы Ўладзімера Някляева, якія яны пры выпадку пакажуць міліцыянтам.
«Калі запытаюцца, то пакажам пасьведчаньні. Будуць супраць, тады сыдзем. Міліцыі баяцца — дык няма чаго і пачынаць такія справы».
У гэты час у Варшаве на вакзале таксама ў камізэльках з надпісам «За Някляева» дзяжураць тры актывісты. Сярод іх — Васіль Лепеш, зь якім я зьвязаўся па тэлефоне. Васіль сказаў:
«Акцыя гэта больш дэманстрацыйная, каб паказаць, што тут таксама ёсьць беларуская актыўная моладзь. Ва ўсіх тут свае справы і турботы, але мы хочам гэтым паказаць, што не забываемся пра Беларусь і падтрымліваем беларусаў у Беларусі».
У Кіеве на вакзале плянавала зьбіраць подпісы за Някляева актывістка Марта зь сябрамі, але зьвязацца зь дзяўчынай не ўдалося. «Зараз абанэнт ня можа прыняць ваш званок», — адказаў па-ўкраінску голас у тэлефоне.
