16 кастрычніка свой сямідзясяты дзень народзінаў сьвяткуе скульптар, жывапісец, сябра мастакоўскай суполкі "Пагоня" Алесь Шатэрнік. Аўтар помнікаў Рагнедзе, Усяславу Чарадзею, Тадэвушу Касьцюшку ды многім іншым выбітным беларускім асобам марыць убачыць у цэнтры сталіцы галоўны твор свайго жыцьця — скульптурную кампазыцыю, якая адлюструе шлях народа да сваёй незалежнасьці.
Алесь Шатэрнік — асоба са шматгранным талентам, зазначае старшыня мастакоўскай суполкі "Пагоня" Алесь Марачкін.
Алесь Марачкін"Мой сябра Алесь Шатэрнік — чалавек унівэрсальны. Яму падуладная ня толькі скульптура, але і жывапіс. Гэтыя творы даволі цікавыя і маюць у гледача посьпех, таму што гэта такі нэаімпрэсіянізм. Ну, а па-другое, ён пачаў пісаць вершы, і вершы такія арыгінальныя".
Намесьнік старшыні Саюзу мастакоў Беларусі Сяржук Цімохаў дадае:
"Алесь Шатэрнік — гэта найперш надзвычай цікавая асоба, вельмі высокага ўзроўню мастак і скульптар, які заўсёды можа адгукнуцца на нейкую прапанову, якая датычыць нашай гістарычнай спадчыны, нашай гісторыі. Самыя найлепшыя ўражаньні ад гэтай асобы і самыя шчырыя віншаваньні".
Мастацтвазнаўца Тацяна Гаранская падкрэсьлівае глыбінную нацыянальную адметнасьць творчасьці Алеся Шатэрніка.
"Ён адзін зь нямногіх беларускіх творцаў, якія на працягу свайго жыцьця ніколі і ніяк ня здраджвалі беларускасьці. Ён ня проста ствараў вобразы беларускіх выдатных асобаў, гістарычных і сучасных дзеячаў культуры, а ён заўжды кожным сваім вобразам гарэў, калі ствараў яго. Таму яго творы заўжды кранаюць сэрца, кранаюць душу. Ён першы стварыў манумэнтальны скульптурны вобраз Рагнеды, які меркавалася ўсталяваць у Заслаўі ў дні тысячагодзьдзя горада".
Помнік Рагнедзе, як і мэмарыяльныя шыльды для будынкаў, дзе была абвешчаная Беларуская Народная Рэспубліка і дзе працавала першая навуковая ўстанова краіны — Інбелкульт, як і Звон Свабоды і шмат якія іншыя творы Алеся Шатэрніка, зробленыя ў першай палове 90-х, сумуюць у майстэрні мастака. Цяперашняя ўлада не дае дазволу ўсталяваць іх там, куды яны прызначаліся. Але спадар Шатэрнік марыць убачыць іх у культурным ляндшафце краіны, як і той твор, у якім зьбіраецца адлюстраваць гістарычны шлях народа да незалежнасьці.
"Беларусі не хапае такога манумэнта пра нашу незалежнасьць".
Алесь Шатэрнік — асоба са шматгранным талентам, зазначае старшыня мастакоўскай суполкі "Пагоня" Алесь Марачкін.
Намесьнік старшыні Саюзу мастакоў Беларусі Сяржук Цімохаў дадае:
"Алесь Шатэрнік — гэта найперш надзвычай цікавая асоба, вельмі высокага ўзроўню мастак і скульптар, які заўсёды можа адгукнуцца на нейкую прапанову, якая датычыць нашай гістарычнай спадчыны, нашай гісторыі. Самыя найлепшыя ўражаньні ад гэтай асобы і самыя шчырыя віншаваньні".
Мастацтвазнаўца Тацяна Гаранская падкрэсьлівае глыбінную нацыянальную адметнасьць творчасьці Алеся Шатэрніка.
на працягу свайго жыцьця ніколі і ніяк ня здраджвалі беларускасьці ...
"Ён адзін зь нямногіх беларускіх творцаў, якія на працягу свайго жыцьця ніколі і ніяк ня здраджвалі беларускасьці. Ён ня проста ствараў вобразы беларускіх выдатных асобаў, гістарычных і сучасных дзеячаў культуры, а ён заўжды кожным сваім вобразам гарэў, калі ствараў яго. Таму яго творы заўжды кранаюць сэрца, кранаюць душу. Ён першы стварыў манумэнтальны скульптурны вобраз Рагнеды, які меркавалася ўсталяваць у Заслаўі ў дні тысячагодзьдзя горада".
Помнік Рагнедзе, як і мэмарыяльныя шыльды для будынкаў, дзе была абвешчаная Беларуская Народная Рэспубліка і дзе працавала першая навуковая ўстанова краіны — Інбелкульт, як і Звон Свабоды і шмат якія іншыя творы Алеся Шатэрніка, зробленыя ў першай палове 90-х, сумуюць у майстэрні мастака. Цяперашняя ўлада не дае дазволу ўсталяваць іх там, куды яны прызначаліся. Але спадар Шатэрнік марыць убачыць іх у культурным ляндшафце краіны, як і той твор, у якім зьбіраецца адлюстраваць гістарычны шлях народа да незалежнасьці.
"Беларусі не хапае такога манумэнта пра нашу незалежнасьць".
