Генэральная пракуратура Кіргізстану накіравала шэрагу краін міжнародныя сьледчыя даручэньні на вышук і затрыманьне экс-прэзыдэнта краіны Курманбека Бакіева, яго сваякоў і людзей з блізкага атачэньня.
Як паведамілі сёньня у прэс-службе ведамства, такія дакумэнты перададзеныя праваахоўным органам Расіі, Казахстану, Узбэкістану, Беларусі, Украіны і Вялікабрытаніі.
У сьпісе тых, хто знаходзіцца ў вышуку, акрамя самога Курманбека Бакіева, пералічаныя яго сыны Марат і Максім, брат Жаныбек, былы кіраўнік службы нацыянальнай бясьпекі Кіргізстану Мурат Суталінаў, былы прэм'ер-міністар Даніяр Усеня і яшчэ 14 чалавек.
Яны абвешчаны ў міжнародны вышук і таксама адшукваюцца па лініі Інтэрполу.
Зрынуты прэзыдэнт Курманбек Бакіеў зь неафіцыйнай жонкай і двума дзецьмі знаходзіцца ў Беларусі з 19 красавіка на запрашэньне Аляксандра Лукашэнкі. На радзіме ў дачыненьні да яго ўзбуджаная крымінальная справа: Бакіеў абвінавачваецца ў арганізацыі забойстваў і злоўжываньні службовым становішчам.
Новыя ўлады Кыргызстана двойчы зьвярталіся ў Генэральную пракуратуру Беларусі з просьбай аб выдачы Бакіева і двойчы атрымалі адмову. Як заявіў журналістам генпракурор Беларусі Рыгор Васілевіч, беларускі бок не знайшоў прававых падстаў для задавальненьня просьбы аб выдачы Бакіева.
Як паведамілі сёньня у прэс-службе ведамства, такія дакумэнты перададзеныя праваахоўным органам Расіі, Казахстану, Узбэкістану, Беларусі, Украіны і Вялікабрытаніі.
У сьпісе тых, хто знаходзіцца ў вышуку, акрамя самога Курманбека Бакіева, пералічаныя яго сыны Марат і Максім, брат Жаныбек, былы кіраўнік службы нацыянальнай бясьпекі Кіргізстану Мурат Суталінаў, былы прэм'ер-міністар Даніяр Усеня і яшчэ 14 чалавек.
Яны абвешчаны ў міжнародны вышук і таксама адшукваюцца па лініі Інтэрполу.
Зрынуты прэзыдэнт Курманбек Бакіеў зь неафіцыйнай жонкай і двума дзецьмі знаходзіцца ў Беларусі з 19 красавіка на запрашэньне Аляксандра Лукашэнкі. На радзіме ў дачыненьні да яго ўзбуджаная крымінальная справа: Бакіеў абвінавачваецца ў арганізацыі забойстваў і злоўжываньні службовым становішчам.
Новыя ўлады Кыргызстана двойчы зьвярталіся ў Генэральную пракуратуру Беларусі з просьбай аб выдачы Бакіева і двойчы атрымалі адмову. Як заявіў журналістам генпракурор Беларусі Рыгор Васілевіч, беларускі бок не знайшоў прававых падстаў для задавальненьня просьбы аб выдачы Бакіева.
