Госьць ранішняга эфіру “Свабоды” – прадстаўнік не прызнаванага ўладамі Саюзу палякаў – Анджэй Пачобут.
Фірма “Палёніка”, якую заснавалі сябры непрызнанага беларускімі ўладамі Саюзу палякаў, атрымала дакумэнты з Гаспадарчага суду Гарадзенскай вобласьці, зь якіх вынікае, што рахунак арганізацыі разблякаваны, выкананьне прысуду прыпыненае, справа здадзена ў архіў. Некалькі дзён таму спыненая крымінальная справа ў дачыненьні старшыні Івянецкага аддзелу Саюзу палякаў Тэрэзы Собаль.
Ганна Соўсь: Што здарылася? Чаму менавіта цяпер улады спынілі ціск на Саюз палякаў, які не прызнаюць?
Анджэй Пачобут: Мне падаецца, што вось гэтыя крокі, якія ў апошнія час былі зробленыя беларускімі ўладамі, яны перш за ўсё зьвязаныя з палітычнай сытуацыяй у краіне. Цяпер адбываецца выбарчая кампанія. Фонам выбарчай кампаніі зьяўляецца дастаткова моцны канфлікт з Расеяй. У такіх умовах беларускім уладам не патрэбны нейкі канфлікт на Захадзе. Яны робяць пэўныя крокі , каб ўлагодзіць адносіны па розных накірунках, між іншым каб улагодзіць адносіны з Польшчай.
Соўсь: І ў рэчышчы гэтага ўлагоджаньня адносінаў з Польшчай ці магчыма, што ўлады прызнаюць і Саюз палякаў? Вернуць Дамы польскія?
Пачобут: Пакуль што цяжка казаць пра магчымасьць прызнаньня, пра магчымасьць легалізацыі дзейнасьці Саюзу палякаў. Але разам з тым, калі ёсьць нейкія крокі у добрым кірунку, то казаць, што гэта добрыя крокі, я думаю, слушна.
Соўсь: У лютым 2010 фірму, якую ўзначальвае Анжаліка Борыс, абвінавацілі ў няправільным выкарыстаньні сродкаў, атрыманых ад польскай арганізацыі «Wspólnota Polska», якая займаецца дапамогай суайчыньнікам ва ўсім сьвеце. Разгляд судовай справы заняў менш за паўгадзіны. У выніку «Палоніку» аштрафавалі на 71 мільён рублёў. Як вы мяркуеце, па заканчэньні выбарчай кампаніі “польскае пытаньне” можа ізноў паўстаць? Ізноў пачнуцца суды, штрафы?
Пачобут: Безумоўна. Справа ў тым, што ўсе дзеяньні, якія адбываюцца ў дачыненьні да Саюзу палякаў, вынікаюць не з права, якое дзейнічае ў Беларусі, а з палітычнай патрэбы. Калі нешта зьменіцца, безумоўна, такія выпадкі ўжо былі. Аднойчы прыпынілі справу, пасьля нешта мянялася ў палітыцы, і зноў аднаўлялі. Пакуль цяжка казаць наколькі гэтая тэндэнцыя будзе захаваная пасьля выбараў.
Соўсь: Сёньня пачынаецца навучальны год у польскай школе, якую падтрымлівае фірма “Палёніка”. Колькі у ёй вучняў, у якім фармаце праходзіць навучаньне?
Пачобут: Гэта грамадзкая школа, там больш за 400 вучняў. Яны навучаюцца польскай мове, гісторыі Польшчы, гісторыі Беларусі. Гэта адбываецца ў фармаце нядзельнай школы, калі ў выходныя альбо пасьля заканчэньня звычайнай школы дзеці вучацца.
Соўсь: Цяпер патэнцыйныя кандыдаты на прэзыдэнта падаюць ў ЦВК сьпісы ініцыятыўных групаў. Як на вашае ўражаньне, каго будзе падтрымліваць польская меншасьць у Беларусі на выбарах?
Пачобут: Думаю, што некага аднаго падтрымліваць уся польская меншасьць ня будзе. Разам з тым ёсьць шэраг кандыдатаў, якія прывабныя для польскай меншасьці. У прыватнасьці Яраслаў Раманчук, які мае польскія карані, які добра ведае польскую мову. Калісьці Мілінкевіч браў тым, што ведаў польскую мову, і калі сустракаўся з палякамі, мог размаўляць па-польску, што безумоўна выклікала павагу. Цяпер ёсьць Раманчук.
Фірма “Палёніка”, якую заснавалі сябры непрызнанага беларускімі ўладамі Саюзу палякаў, атрымала дакумэнты з Гаспадарчага суду Гарадзенскай вобласьці, зь якіх вынікае, што рахунак арганізацыі разблякаваны, выкананьне прысуду прыпыненае, справа здадзена ў архіў. Некалькі дзён таму спыненая крымінальная справа ў дачыненьні старшыні Івянецкага аддзелу Саюзу палякаў Тэрэзы Собаль.
Ганна Соўсь: Што здарылася? Чаму менавіта цяпер улады спынілі ціск на Саюз палякаў, які не прызнаюць?
Анджэй Пачобут: Мне падаецца, што вось гэтыя крокі, якія ў апошнія час былі зробленыя беларускімі ўладамі, яны перш за ўсё зьвязаныя з палітычнай сытуацыяй у краіне. Цяпер адбываецца выбарчая кампанія. Фонам выбарчай кампаніі зьяўляецца дастаткова моцны канфлікт з Расеяй. У такіх умовах беларускім уладам не патрэбны нейкі канфлікт на Захадзе. Яны робяць пэўныя крокі , каб ўлагодзіць адносіны па розных накірунках, між іншым каб улагодзіць адносіны з Польшчай.
У такіх умовах беларускім уладам не патрэбны нейкі канфлікт на Захадзе. Яны робяць пэўныя крокі , каб ўлагодзіць адносіны па розных накірунках, між іншым каб улагодзіць адносіны з Польшчай
Пачобут: Пакуль што цяжка казаць пра магчымасьць прызнаньня, пра магчымасьць легалізацыі дзейнасьці Саюзу палякаў. Але разам з тым, калі ёсьць нейкія крокі у добрым кірунку, то казаць, што гэта добрыя крокі, я думаю, слушна.
Соўсь: У лютым 2010 фірму, якую ўзначальвае Анжаліка Борыс, абвінавацілі ў няправільным выкарыстаньні сродкаў, атрыманых ад польскай арганізацыі «Wspólnota Polska», якая займаецца дапамогай суайчыньнікам ва ўсім сьвеце. Разгляд судовай справы заняў менш за паўгадзіны. У выніку «Палоніку» аштрафавалі на 71 мільён рублёў. Як вы мяркуеце, па заканчэньні выбарчай кампаніі “польскае пытаньне” можа ізноў паўстаць? Ізноў пачнуцца суды, штрафы?
Соўсь: Сёньня пачынаецца навучальны год у польскай школе, якую падтрымлівае фірма “Палёніка”. Колькі у ёй вучняў, у якім фармаце праходзіць навучаньне?
Пачобут: Гэта грамадзкая школа, там больш за 400 вучняў. Яны навучаюцца польскай мове, гісторыі Польшчы, гісторыі Беларусі. Гэта адбываецца ў фармаце нядзельнай школы, калі ў выходныя альбо пасьля заканчэньня звычайнай школы дзеці вучацца.
Соўсь: Цяпер патэнцыйныя кандыдаты на прэзыдэнта падаюць ў ЦВК сьпісы ініцыятыўных групаў. Як на вашае ўражаньне, каго будзе падтрымліваць польская меншасьць у Беларусі на выбарах?
Пачобут: Думаю, што некага аднаго падтрымліваць уся польская меншасьць ня будзе. Разам з тым ёсьць шэраг кандыдатаў, якія прывабныя для польскай меншасьці. У прыватнасьці Яраслаў Раманчук, які мае польскія карані, які добра ведае польскую мову. Калісьці Мілінкевіч браў тым, што ведаў польскую мову, і калі сустракаўся з палякамі, мог размаўляць па-польску, што безумоўна выклікала павагу. Цяпер ёсьць Раманчук.
