Як падае БелаПАН, пастаўкі нафты ў Беларусь у 2010 годзе спыненыя ня будуць, нават калі адпаведнае пагадненьне ня ўдасца падпісаць да канца году. Пра гэта заявіў пасол Расеі ў Беларусі Аляксандр Сурыкаў на прэс-канфэрэнцыі ў Менску 23 сьнежня.
Паводле яго слоў, цяпер бакі вядуць перамовы наконт гэтага. "Стаіць задача калі не падпісаць міжурадавае пагадненьне, то хоць бы падпісаць пратаколы, якія гарантавалі б пастаўку нафты з 1 студзеня. Пагадненьне можа быць падпісана і пазьней", — сказаў Сурыкаў.
Як растлумачыў дыплямат, затрымка з падпісаньнем дакумэнту можа ўзьнікнуць з-за таго, што бакам неабходна падлічыць балянс аб'ёму нафты, якая будзе пастаўляцца ў Беларусь бяспошлінна для ўнутранага карыстаньня.
