У складзе спэцыяльнай групы 12 дэпутатаў. Палова зь іх накіруецца ў Тбілісі, а яшчэ па тры чалавекі — у Сухумі і Цхінвалі. Каардынатар групы — старшыня міжнароднай камісіі Палаты прадстаўнікоў Сяргей Маскевіч. Ён ляціць у Грузію.
Сёньня ў размове са “Свабодай” спадар Маскевіч адзначыў: беларускія дэпутаты найперш будуць кантактаваць са сваімі калегамі.
Сяргей Маскевіч“У нас такая рабочая паездка, а не публічная. Мы едзем згодна з канкрэтнымі дамоўленасьцямі з парлямэнтамі, з групай супрацоўніцтва зь Беларусьсю”.
Кіраўнік групы пацьвердзіў, што пасьля вяртаньня дэпутаты зьбіраюцца наведаць і Дзяржаўную думу, каб пачуць, што думаюць пра сытуацыю ў каўкаскім рэгіёне расейскія калегі.
А вось на пытаньне, калі Палата прадстаўнікоў будзе разглядаць зварот з Сухумі і Цхінвалі, старшыня групы дакладнага адказу ня даў:
“Тут я не магу нават спрагназаваць”.
Карэспандэнт: “Фактычна да канца сэсіі толькі сьнежань застаецца”.
“Ну, можа, і ў сьнежні”.
Міжнародны аглядальнік Раман Якаўлеўскі вылучае тры аспэкты паездак беларускіх дэпутатаў:
Раман Якаўлеўскі“Па-першае, трэба адзначыць, што без дазволу Лукашэнкі яны ніколі б там не апынуліся.
Па-другое, яны кажуць, што едуць вывучаць сытуацыю. Дык я б ім параіў: хай бы яны лепш вывучалі меркаваньні сваіх выбарцаў наконт пабудовы ў Беларусі атамнай станцыі. Гэта для беларускіх выбарцаў куды больш актуальна, чым прызнаньне незалежнасьці Абхазіі і Паўднёвай Асэтыі.
І трэцяе — гэта яшчэ адзін сродак працягнуць юрыдычнае прызнаньне Абхазіі і Паўднёвай Асэтыі. І ня болей. А калі прызнаньне адбудзецца, ня ведае ніхто, акрамя самога Лукашэнкі”.
Візыт беларускіх дэпутатаў скончыцца 20-га лістапада.
Дагэтуль незалежнасьць Паўднёвай Асэтыі і Абхазіі прызналі толькі Расея, Нікарагуа і Вэнэсуэла.
Сёньня ў размове са “Свабодай” спадар Маскевіч адзначыў: беларускія дэпутаты найперш будуць кантактаваць са сваімі калегамі.
Кіраўнік групы пацьвердзіў, што пасьля вяртаньня дэпутаты зьбіраюцца наведаць і Дзяржаўную думу, каб пачуць, што думаюць пра сытуацыю ў каўкаскім рэгіёне расейскія калегі.
А вось на пытаньне, калі Палата прадстаўнікоў будзе разглядаць зварот з Сухумі і Цхінвалі, старшыня групы дакладнага адказу ня даў:
“Тут я не магу нават спрагназаваць”.
Карэспандэнт: “Фактычна да канца сэсіі толькі сьнежань застаецца”.
“Ну, можа, і ў сьнежні”.
Міжнародны аглядальнік Раман Якаўлеўскі вылучае тры аспэкты паездак беларускіх дэпутатаў:
Па-другое, яны кажуць, што едуць вывучаць сытуацыю. Дык я б ім параіў: хай бы яны лепш вывучалі меркаваньні сваіх выбарцаў наконт пабудовы ў Беларусі атамнай станцыі. Гэта для беларускіх выбарцаў куды больш актуальна, чым прызнаньне незалежнасьці Абхазіі і Паўднёвай Асэтыі.
І трэцяе — гэта яшчэ адзін сродак працягнуць юрыдычнае прызнаньне Абхазіі і Паўднёвай Асэтыі. І ня болей. А калі прызнаньне адбудзецца, ня ведае ніхто, акрамя самога Лукашэнкі”.
Візыт беларускіх дэпутатаў скончыцца 20-га лістапада.
Дагэтуль незалежнасьць Паўднёвай Асэтыі і Абхазіі прызналі толькі Расея, Нікарагуа і Вэнэсуэла.
