Што для вас свабода?
Калі я магу быць самім сабою.
Што найбольш абмяжоўвае вашу свабоду?
Уласнае пачуцьцё меры ў зададзеным соцыюме.
Што для вас шчасьце?
Быць здаровым, зразуметым і адпаведна ацэненым грамадзтвам.
Чаго вы найбольш баіцеся?
Землятрусу, пажару, патопу…
Які талент вы хацелі б мець?
Іграць на музычных інструментах.
Кім з сучасьнікаў вы захапляецеся?
Шмат кім у мастацтве. З мысьляроў – усе зь мінулага.
Што вы найбольш любіце рабіць?
- Ляжаць у мяккім ложку і чытаць.
- Застольле зь сябрамі пасьля абложнай працы.
Быў бы больш абачлівы ў сваёй адкрытасьці.
Якую найлепшую параду вы атрымалі?
Не рабіць чалавеку па дробязях (sic!) крытычныя заўвагі.
Які ваш улюбёны дэвіз?
Усё неяк зробіцца само. Ня трэба хацець шмат і вельмі старацца.
У якой палітычнай сыстэме вы хацелі б жыць?
Ніводная зь вядомых мне не падыходзіць. Магчыма, у асьвечанай манархіі, дзе б цаніўся талент і дапускаўся анархізм.
У якой краіне вы хацелі б жыць?
У Ісляндыі ці Даніі.
У якую эпоху вы хацелі б жыць?
У 19-м стагодзьдзі.
Калі б вы сталі кіраўніком Беларусі, што б зрабілі найперш?
Правёў бы акцыю пакаяньня за камуністычны гвалт і чым мог бы дапамог ахвярам. Папрасіў бы прабачэньня ва ўсіх пакрыўджаных і папрасіў бы людзей выкінуць крыўду з сэрцаў.
Якія адносіны Беларусь павінна мець з Эўразьвязам?
Стаць чальцом.
Якія адносіны Беларусь павінна мець з Расеяй?
Нармальныя добрасуседзкія.
Некаторыя думаюць так: “Хай дыктатура, абы свая”. А Вы?
Усякая дыктатура дрэнная. Хіба што асьвечаная манархія, але з павагай да таленту.
Калі і як у Беларусі зьменіцца ўлада?
Калі персанальна, то гадоў праз шэсьць. Калі паводле зьместу да эўрапейскага ўзроўню, то гадоў праз 10.
Калі беларусы загавораць па-беларуску?
Гадоў праз 10. (Калі гэта ўжо не будзе экзотыкай).
Што будзе, калі беларусы не загавораць па-беларуску?
Вырасьце племя ціхіх мурашак, выдатных рамеснікаў, магчыма, (як кампенсацыйная сублімацыя!) – вылупяцца мірыяды выдатных музыкаў, мастакоў, скульптараў. У тых дзялянках, дзе не патрэбнае слова. Але гэта будуць трагічныя, мінорныя творы, зь лёгкімі мажорнымі проблескамі чаканьня шчасьця.
